چنڈی گڑھ، 17 اکتوبر (ہ س)۔ ڈائریکٹوریٹ آف ریونیو انٹیلی جنس (ڈی آر آئی) کی ایک ٹیم نے امرتسر کے گرو رام داس بین الاقوامی ہوائی اڈے پر سونا اسمگل کرتے ہوئے دبئی سے آنے والے دو مسافروں کو رنگے ہاتھوں پکڑ لیا۔ دونوں مسافروں نے سونے کے زیورات اپنے کپڑوں میں چھپا رکھے تھے۔ برآمد شدہ سونے کی کل مالیت کا تخمینہ تقریباً 94 لاکھ روپے لگایا گیا ہے۔

امرتسر ریجنل یونٹ کو اطلاع ملی کہ دبئی سے آنے والے کچھ مسافر سونا اسمگل کرنے کا منصوبہ بنا رہے ہیں۔ اس کے بعد افسران نے امرتسر ہوائی اڈے پر تلاشی لی اور دو مسافروں کو حراست میں لیا جن پر شبہ تھا کہ وہ اپنی کارگو پتلون کی جیبوں میں سونے کے زیورات چھپا رہے تھے۔ ذاتی تلاشی لینے پر بالترتیب 430.440 گرام اور 396.440 گرام سونے کے زیورات برآمد ہوئے۔ سونے کی تخمینی مارکیٹ ویلیو 48,95,601 اور 45,00,817 روپئے ہے۔ ابتدائی تفتیش کے دوران دونوں ملزمان نے بتایا کہ وہ تہوار کے موسم میں یہ زیورات بھارت میں فروخت کرنے کا منصوبہ بنا رہے تھے۔

ہندوستھان سماچار

---------------

ہندوستان سماچار / عبدالواحد