اندور، 15 اکتوبر (ہ س)۔

ایک خفیہ شکایت کی بنیاد پر مدھیہ پردیش لوک آیکت کی ایک ٹیم نے بدھ کو ریٹائرڈ ایکسائز آفیسر دھرمیندر سنگھ بھدوریا کے آٹھ مقامات پر چھاپے مارے۔ ان میں سے سات مقامات اندور میں اور ایک گوالیار میں ہے۔ اندور میں کیلاش کنج اور بزنس اسکائی پارک اور گوالیار کے اندرمانی نگر میں ایک گھر سمیت سات مقامات کی تلاشی لی جا رہی ہے۔

لوک آیکت ٹیم بدھ کی صبح اندور کے پلاسیا میں واقع فلیٹ پر پہنچی اور تلاش شروع کی۔ ٹیم نے فلیٹ میں موجود دستاویزات کی جانچ شروع کر دی ہے اور لاکھوں روپے نقد، مہنگے زیورات، غیر ملکی کرنسی اور لائسنس یافتہ ہتھیار ضبط کر لیے۔ ابتدائی معلومات کے مطابق اندور میں فلیٹ کی جائیداد کی قیمت 7 سے 8 کروڑ روپے بتائی گئی ہے۔ اس دوران لوک آیکت ٹیم نے گوالیار کے وویک نگر میں دھرمیندر سنگھ بھدوریا کی رہائش گاہ کا بھی دورہ کیا۔ وہاں دستاویزات اور جائیداد کی جانچ کی جا رہی ہے۔ لوک آیکت کی یہ کارروائی ایک ساتھ بھدوریا کے آٹھ مقامات پر کی جا رہی ہے۔ ٹیم ہر جگہ دستاویزات، بینک اکاؤنٹس، اور گھر میں محفوظ جائیداد کا باریک بینی سے جائزہ لے رہی ہے۔

اس معاملے کی تحقیقات کر رہے لوک آیکت کے افسران نے بتایا کہ انہیں مختلف بینکوں میں پانچ لاکرز ملے ہیں۔ ان کے کئی دوسرے بینکوں میں اکاؤنٹس بھی ملے۔ ان کے قبضے سے بڑی تعداد میں گاڑیاں بھی ملی ہیں۔ وہ تحقیقات کر رہے ہیں کہ کون سی گاڑیاں کس کے نام پر ہیں۔ اس معاملے کی تحقیقات کر رہے لوک آیکت کے افسران نے بتایا کہ انہیں مختلف بینکوں میں پانچ لاکرز ملے ہیں۔ ان کے کئی دوسرے بینکوں میں اکاونٹس بھی ملے۔ ان کے قبضے سے بڑی تعداد میں گاڑیاں بھی ملی ہیں۔ وہ تحقیقات کر رہے ہیں کہ کون سی گاڑیاں کس کے نام پر ہیں۔

دھرمیندر سنگھ بھدوریا نے 1987 میں محکمہ ایکسائز میں سب انسپکٹر کے طور پر شمولیت اختیار کی۔ وہ اگست 2025 میں علیراج پور کے ضلع ایکسائز آفیسر کے طور پر ریٹائر ہوئے۔ نیلامی وقت پر مکمل نہیں ہونے کی وجہ سے ان کے خلاف یہ کارروائی کی گئی۔ تحقیقات سے پتہ چلا ہے کہ ان کے بیٹے سورینش بھدوریا نے فلموں میں سرمایہ کاری کی۔ ان کی بیٹی کا بھی فلموں میں پیسہ لگانے سے متعلق روابط سامنے آئے ہیں۔

ہندوستھان سماچار

---------------

ہندوستان سماچار / انظر حسن