کھگڑیا،15اکتوبر(ہ س)۔ بہار میں ایک طرف جہاں انتخاب کو لیکر سرگرمی تیز ہے۔ وہیں دوسری طرف رشوت لینے والوں کے خلاف کریک ڈاؤن جاری ہے۔ اس تناظر میں کھگڑیا ضلع میں کارروائی دیکھی گئی جب ایک انسپکٹر کو گرفتار کیا گیا۔ضلع کے مانسی تھانہ میں تعینات انسپکٹر روشن کمار کو ویجیلنس ڈپارٹمنٹ نے رشوت لیتے ہوئے رنگے ہاتھوں پکڑ لیا۔ ٹریکٹر ڈرائیور رشی کمار نے ویجیلنس ڈپارٹمنٹ سے شکایت کی تھی اور الزام لگایا تھا کہ انسپکٹر روشن کمار نے ان سے 12,000 روپے رشوت طلب کی تھی۔شکایت ملنے کے بعد ویجیلنس ڈیپارٹمنٹ نے جال بچھا کر انسپکٹر روشن کمار کو رنگے ہاتھوں گرفتار کر لیا۔ منگل کے روز ہونے والی اس کارروائی نے سب کو حیران کر دیا۔ ویجیلنس ٹیم ملزم انسپکٹر کو اپنے ساتھ پٹنہ لے گئی۔25 ستمبر کو مانسی تھانہ علاقہ میں ابھیشیک کمار کے ٹریکٹر کی بیٹری چوری ہوگئی تھی۔ ابھیشیک کمار نے مانسی تھانہ میں ایک درخواست دائر کی، جس میں ملزم کا نام رشی کمار بتایا گیا۔ انہوں نے بتایا کہ رشی کمار نے اس کے ٹریکٹر سے بیٹری چوری کی تھی۔ الزام ہے کہ ایس آئی روشن کمار نے مقدمہ درج کرنے کے بجائے رشی کمار کو مقدمہ کی دھمکی دی۔ اس نے مقدمہ چلانے کے لیے 12,000 روپے رشوت طلب کی۔ رشی کمار نے اس کی شکایت ویجیلنس ڈیپار ٹمنٹ سے کی۔ویجیلنس ٹیم اس وقت ریاست کے مختلف اضلاع میں آپریشن کر رہی ہے۔ اس سے قبل کھگڑیا ٹاؤن تھانہ کی ایک خاتون سب انسپکٹر کو ویجیلنس ڈیپارٹمنٹ نے رشوت لیتے ہوئے گرفتار کیا تھا۔

ہندوستھان سماچار

ہندوستان سماچار / Mohammad Afzal Hassan