نئی دہلی، 15 اکتوبر (ہ س)۔ عالمیشیئر بازاروں سے آج ملے -جلے رجحانات نظر آ رہے ہیں۔ گزشتہ سیشن میں امریکی بازار کمزروی کے ساتھ بند ہوئے۔ حالانکہ ڈاو جونز فیوچرز آج اضافے کے ساتھ کاروبار کرتا ہوا نظر آ رہا ہے۔ یورپی بازاروں میں گزشتہ سیشن کے دوران ملا- جلا کاروبار ہوتا نظر آیا۔ دریں اثنا، ایشیائی بازاروں میں آج عام طور پر تیزی ہے۔

گزشتہ سیشن کے دوران امریکی مارکیٹ میں فروخت کا دباو رہا، جس کی وجہ سے وال اسٹریٹ انڈیکس گراوٹ کے ساتھ بند ہوئے۔ ایس اینڈ پی 500 انڈیکس 0.16 فیصد کی کمی کے ساتھ 6,644.31 پوائنٹس کی سطح پر بند ہوا۔ اسی طرح نیس ڈیک نے172.91 پوائنٹس یعنی 0.76 فیصد کی گراوٹ کے ساتھ گزشتہ سیشن کا کاروبار22,521.70 پوائنٹس کی سطح پر ختم کیا۔ جبکہ ڈاو جونز فیوچرز آج 0.15 فیصد اضافے کے ساتھ 46,339.31 پوائنٹس کی سطح پر کاروبار کرتا ہوا نظر آ رہا ہے۔

یورپی بازار گزشتہ سیشن کے دوران دباو میں کاروبار کرنے کے بعد آخری لمحات کی خریداری کی وجہ سے ملے- جلے نتائج کے ساتھ بند ہوئے۔ ایف ٹی ایس ای انڈیکس 0.10 فیصد اضافے کے ساتھ 9,452.77 پوائنٹس کی سطح پر بند ہوا۔ دوسری جانب، سی اے سی انڈیکس نے گزشتہ سیشن 0.18 فیصد کی کمی کے ساتھ 7,919.62 پوائنٹس کی سطح پر ختم کیا۔ اسی طرح ڈی اے ایکس انڈیکس 150.99 پوائنٹس یعنی 0.62 فیصد کی کمی کے ساتھ 24,236.94 پوائنٹس کی سطح پر بند ہوا۔

ایشیائی بازاروں میں آج عام طور پر تیزی کا رجحان قائم ہے ۔ نو ایشیائی بازاروں میں سے سے آٹھ کے انڈیکس سبز نشان میں کاروبار کر رہے ہیں، جبکہ ایک انڈیکس گراوٹ کے ساتھ سرخ نشان میں ٹریڈ کر رہا ہے۔ ایشیائی بازاروں میں واحد جکارتہ کمپوزٹ انڈیکس فی الحال 0.79 فیصد کی کمی کے ساتھ8,003.09 کی سطح پر ٹریڈ کر رہا ہے۔

دوسری طرف، گفٹ نفٹی 166.50 پوائنٹس یعنی 0.66 فیصد کے اضافے کے ساتھ 25,361.50 پوائنٹس کی سطح پر ٹریڈ کر رہا ہے۔ اسی طرح اسٹریٹس ٹائمز انڈیکس 0.36 فیصد بڑھ کر 4,369.99 پوائنٹس کی سطح پر پہنچ گیا۔ کوسپی انڈیکس نے آج بڑی چھلانگ لگائی ہے۔ فی الحال، یہ انڈیکس 2.02 فیصد چھلانگ لگا کر 3,633.92 پوائنٹس کی سطح پر پہنچ گیا ہے۔

اسی طرح تائیوان ویٹڈ انڈیکس 363.72 پوائنٹس یعنی 1.36 فیصد اضافے کے ساتھ 27,156.87 پوائنٹس کی سطح پر پہنچ گیا ہے۔ اس کے علاوہ ہینگ سینگ انڈیکس 328.65 پوائنٹس یعنی 1.29 فیصد اضافے کے ساتھ 25,770 پوائنٹس کی سطح پر، نکیئی انڈیکس 580.68 پوائنٹس یعنی 1.24 فیصد کے اضافے کے ساتھ 47,428 پوائنٹس کی سطح پر،سیٹ کمپوزٹ انڈیکس 0.81 فیصد اچھل کر1276.69پوائنٹس کی سطح پر اور شنگھائی کمپوزٹ انڈیکس 0.10 فیصد اضافے کے ساتھ 3,869.25 پوائنٹس کی سطح پر کاروبار کر رہے ہیں۔

ہندوستھان سماچار

ہندوستان سماچار / محمد شہزاد