ڈویژنل کمشنر نے اجتماع کے تعلق سے بنیادی سہولتوں اور سکیورٹی انتظامات کے حوالے سے ہدایات دیں

بھوپال، 15 اکتوبر (ہ س)۔

بھوپال ڈویژنل کمشنر سنجیو شرما نے شہر میں 14 سے 17 نومبر تک منعقد ہونے والے اجتماع کے سلسلے میں بدھ کے روز کمشنر آڈیٹوریم میں منعقدہ میٹنگ میں شہری سہولتوں اور سلامتی انتظام کے لیے متعلقہ افسران کو ضروری ہدایات دیں۔ انہوں نے تمام انتظامات کو وقت پر مکمل کرنے کے احکامات دیے۔ میٹنگ میں ڈی آئی جی راجیش سنگھ چندیل، انچارج کلکٹر و کمشنر میونسپل کارپوریشن محترمہ سنسکرتی جین، اے ڈی ایم پرکاش نائک، ڈی سی پی ٹریفک جتیندر سنگھ پوار، اجتماع کمیٹی کے عہدیداران اور مختلف محکموں کے افسران موجود تھے۔

کمشنر سنگھ نے میونسپل کارپوریشن کے عملے کو صفائی ستھرائی، پینے کے پانی کی فراہمی کے ساتھ فائر سیفٹی پر خاص توجہ دینے کی ہدایت دی۔انہوں نے فائر سیفٹی افسر کو ہدایت دی کہ آگ بجھانے والی گاڑیاں اور تمام ساز و سامان پوری طرح تیار رکھے جائیں۔انہوں نے ہائی ٹینٹ پوائنٹس بڑھانے اور آگ بجھانے والی گاڑیوں کے علاوہ موٹر سائیکل پر بھی آگ بجھانے کا انتظام کرنے اور گاڑیوں کے آنے جانے کے راستوں کا مکمل پلان بنا کر کلکٹر اور پولیس کمشنر کو پیش کرنے کے لیے میونسپل کمشنر کو ہدایت دی ہے۔کمشنر سنگھ نے طبی سہولتوں کا بھی جائزہ لیا۔اجتماع کمیٹی کے اراکین نے بتایا کہ مقامی سطح پر بھی آس پاس کے تقریباً 20 اسپتال اپنی خدمات فراہم کرتے ہیں۔

سنگھ نے سی ایم ایچ او کو ہدایت دی ہے کہ ڈاکٹروں کی ڈیوٹی 24x7 مقرر کی جائے اور ایمبولینس کے ساتھ ساتھ موبائل اسپتال، اسٹریچر کے علاوہ پیرا میڈیکل اسٹاف کے بھی مناسب انتظامات کو یقینی بنایا جائے۔ سنگھ نے میونسپل کارپوریشن کو صفائی ستھرائی پر خاص توجہ دینے کی ہدایت دی۔ انہوں نے محکمہ بجلی کے افسران کو بھی الیکٹریکل سیفٹی کا معائنہ کرنے اور تمام مقامات پر نیچے لٹکے ہوئے تاروں کو درست کرنے کے لیے کہا۔انہوں نے ضلع اور پولیس انتظامیہ کے درمیان معلومات کے تبادلے کے لیے کمیونیکیشن پلان بنانے کی بھی ہدایت دی ہے۔ساتھ ہی پولیس افسران کے ساتھ ٹریفک نظام کے لیے اشارے (سائن بورڈز) لگانے اور حفاظتی اقدامات کی ترتیب کو مقررہ وقت پر یقینی بنانے کی ہدایت دی گئی ہے۔

ہندوستھان سماچار

ہندوستان سماچار / انظر حسن