وینکوور، 15 اکتوبر (ہ س): برامپٹن بلٹز نے مونٹریال رائل ٹائیگرس کو منگل کی رات (بدھ، ہندوستانی وقت کے مطابق) آٹھ وکٹوں سے شکست دے کر افتتاحی کناڈا سپر 60 ٹورنامنٹ جیت لیا۔ برامپٹن بلٹز نے بی سی پلیس میں ہونے والے فائنل میں مونٹریال رائل ٹائیگرس کو آٹھ وکٹوں سے شکست دی۔

پہلے بیٹنگ کرتے ہوئے ٹائیگرس صرف 69 رن پر ڈھیر ہوگئے۔ برامپٹن کے گیند بازوں نے شاندار کارکردگی کا مظاہرہ کیا۔ ڈیلن ہیلیگر نے صرف نو رن کے عوض چار وکٹیں حاصل کیں۔ ڈیوڈ ویز نے چھ رن کے عوض تین وکٹیں حاصل کیں، اور کرس گریوز نے 16 رن کے عوض تین وکٹیں حاصل کیں، جس نے ٹائیگرس کو صرف آٹھ اوور میں سمیٹ دیا۔ بلے بازوں میں صرف شکیب الحسن (29 رن، 12 گیندوں) اور دلپریت باجوہ (18 رن، 8 گیندوں) ڈبل فیگر میں پہنچے۔

ہدف کا تعاقب کرتے ہوئے برامپٹن بلٹز نے صرف 5.5 اوور میں کامیابی حاصل کرلی۔ مارٹن گپٹل نے ناقابل شکست 23 (13 گیندوں) جبکہ جیمز ونس نے 34 (16 گیندوں پر) رن بنائے جس میں چار چوکے اور دو چھکے شامل تھے۔ ایلکس ڈیوس نے چھکا لگا کر فتح پر مہر ثبت کی۔

سیمی فائنل میں گپٹل اور سمیڈ کی طوفانی بیٹنگ نے دن کے پہلے سیمی فائنل میں برامپٹن بلٹز نے مسی ساگا ماسٹرز کو نو وکٹوں سے شکست دے کر فائنل میں جگہ بنا لی۔ 148 رن کے ہدف کے تعاقب میں مارٹن گپٹل (79 رن، 25 گیندوں) اور ول سمیڈ (63 رن، 21 گیندوں) نے صرف 6.5 اوور میں 141 رنوں کی پارٹنرشپ بنا کر میچ تقریباً ختم کر دیا۔ گپٹل نے 11 چھکے اور 2 چوکے لگائے جبکہ سمیڈ نے 8 چھکے اور 1 چوکا لگایا۔

اس سے قبل لیوس ڈی پلوئے (43) اور سکندر رضا (29) نے ماسٹرز کو تیز شروعات فراہم کی۔ شبھم رانجنے (25) اور ریان پٹھان (19) نے تیز رن جوڑ کر اسکور کو 148 تک پہنچا دیا۔ برامپٹن کی جانب سے پیوش چاولہ نے 2 اوور میں 3/23 حاصل کیے۔

مونٹریال رائل ٹائیگرس نے وینکوور کنگس کو شکست دے کر فائنل میں رسائی حاصل کی۔ پہلے سیمی فائنل میں مونٹریال رائل ٹائیگرز نے وینکوور کنگ کو 24 رن سے شکست دی۔ نک ہوبسن نے 23 گیندوں پر 50 رن بنا کر اپنی ٹیم کو 100/6 تک پہنچانے میں مدد کی۔ کنگس کے لیے بلتیج سنگھ نے 3/21 کے ساتھ بہترین گیندبازی کی ۔

جواب میں، وینکوور شکیب الحسن (2/5) اور ریان ہیگنس (2/16) کی درست باؤلنگ کا مقابلہ کرنے میں ناکام رہا اور 10 اوور میں صرف 76/7 ہی بنا سکا۔ میکس چو (25)، اوباس پینر (20) اور جسکرندیپ سنگھ (16) کوئی کامیابی حاصل کرنے میں ناکام رہے۔

سیزن ایوارڈز:- سب سے قیمتی کھلاڑی: ڈیوڈ ویزی (149 رن، 9 وکٹیں) - برامپٹن بلٹز

ٹاپ اسکورر: لیوس ڈی پلوئی (238 رن، 6 اننگز) – مسی ساگا ماسٹرز

ٹاپ وکٹ لینے والے: ڈیلن ہیلیگر (13 وکٹیں، 7 میچز) - برامپٹن بلٹز

---------------

ہندوستان سماچار / عبدالسلام صدیقی