پٹنہ، 15 اکتوبر (ہ س)۔راشٹریہ جنتا دل (آر جے ڈی) کے سپریمو لالو یادو بہار اسمبلی انتخابات کے لیے مرحوم محمد شہاب الدین کے بیٹے اسامہ شہاب کو انتخابی نشان سونپا ہے۔ اسامہ شہاب رگھوناتھ پور حلقہ سے انتخاب لڑیں گے اور مبینہ طور پر 16 اکتوبر کو اپنا پرچہ نامزدگی داخل کریں گے۔اگرچہ عظیم اتحاد نے ابھی تک باضابطہ طور پر سیٹوں کی تقسیم نہیں کی ہے، آر جے ڈی نے اپنے کچھ امیدواروں کو نشانات بانٹنا شروع کر دیے ہیں۔ اسامہ شہاب کو رگھوناتھ پور سیٹ سے ٹکٹ دیا گیا ہے، یہ مطالبہ ان کی والدہ حنا شہاب نے پہلے لالو یادو اور تیجسوی یادو سے ملاقاتوں کے دوران کیا تھا۔ حنا شہاب نے اس نشست کو شہاب الدین خاندان کے لیے روایتی نشست قرار دیا۔رگھوناتھ پور اسمبلی سیٹ فی الحال آر جے ڈی ایم ایل اے ہری شنکر یادو کے پاس ہے، جنہوں نے اسامہ شہاب کے لیے سیٹ سے استعفیٰ دے دیا ہے اور ان کی حمایت کر رہے ہیں۔ 2020 کے اسمبلی انتخابات میں ہری شنکر یادو نے بی جے پی کے منوج کمار سنگھ کو 67,757 ووٹوں سے شکست دی۔اسامہ شہاب سیوان کا رہنے والاہے۔ انہوں نے اپنی 12ویں جماعت کی تعلیم دہلی میں مکمل کی اور لندن سے ایل ایل بی کی ڈگری حاصل کی۔ وہ 2021 میں سیوان کی عائشہ سے شادی کے بعد سے بہار کی سیاست میں سرگرم ہیں۔

ہندوستھان سماچار

ہندوستان سماچار / Mohammad Afzal Hassan