بیڑ

، 15 اکتوبر(ہ س)بیڑ ضلع پریشد کے انتخابات اس وقت ریاستی سیاست

کا اہم موضوع بن گئے ہیں۔ جیسے ہی ریزرویشن کی تفصیلات جاری ہوئیں، مختلف گروپوں

کے درمیان سیاسی حساب کتاب اور اتحادوں کی نئی ترتیب شروع ہو گئی ہے۔ ماضی میں

منڈے گروپ کا ضلع کی سیاست پر مضبوط کنٹرول رہا ہے، لیکن موجودہ انتخابی ماحول میں

نتائج کے بارے میں کوئی پیش گوئی ممکن نہیں۔

ضلع کے

اہم تعلقہ جات، بشمول گیورائی، منجلیگاؤں، دھارور، آشٹی، پاٹودا اور پرلی، میں سیاسی

جماعتوں کے درمیان سرگرم مشاورت جاری ہے۔ بھارتیہ جنتا پارٹی، نیشنلسٹ کانگریس

پارٹی اور شیو سینا نے ضلع پریشد پر قبضہ جمانے کے لیے حکمتِ عملی تیز کر دی ہے،

جب کہ سیاسی حلقے منڈے گروپ کے ممکنہ اقدام پر گہری نظر رکھے ہوئے ہیں۔

اطلاعات

کے مطابق، انتخابی مہم دیوالی کے بعد باضابطہ طور پر شروع کی جائے گی۔ گیورائی

تعلقہ میں اس بار نو ضلع پریشد نشستیں ہیں جن میں سات جنرل زمرے کی، تین خواتین کے

لیے مخصوص، اور او بی سی مردوں و خواتین کے لیے دو نشستیں شامل ہیں۔

انتخابی

مساوات کے مطابق، مخصوص گروپ کو کوئی نشست نہیں ملی، جس سے لیڈروں میں محفوظ حلقے

تلاش کرنے کی دوڑ لگ گئی ہے۔ بیڑ ضلع کی سیاست میں اس بار مقابلہ نہایت سخت اور

دلچسپ ہونے کی توقع ہے، جس نے تمام سیاسی جماعتوں اور مبصرین کی توجہ اپنی جانب

مبذول کر لی ہے۔

ہندوستھان

سماچار

ہندوستان سماچار / جاوید این اے