ابوظہبی، 15 اکتوبر (ہ س)۔ افغانستان نے منگل کو رات گئے ابوظہبی کے شیخ زاید اسٹیڈیم میں کھیلے گئے تیسرے ون ڈے میں بنگلہ دیش کو 200 رن سے شکست دے کر تین میچوں کی سیریز 3-0 سے جیت لی۔ یہ افغانستان کی مسلسل پانچویں ون ڈے سیریز جیت ہے۔ ٹی 20 سیریز 0-3 سے ہارنے کے بعد افغان ٹیم نے زبردست واپسی کی اور بنگلہ دیش کو اسی کے انداز میںون ڈے میں شکست دی۔

افغانستان نے پہلے بلے بازی کرتے ہوئے مقررہ 50 اوورز میں 9 وکٹوں پر 293 رن بنائے۔ ابراہیم زدران نے شاندار 95 رن بنا کر ٹیم کی قیادت کی جبکہ محمد نبی نے 37 گیندوں پر 62 رن بنائے۔ جواب میں بنگلہ دیش کی ٹیم 27.1 اوورز میں 93 رن بنا کر آو¿ٹ ہو گئی۔ بلال سمیع نے زبردست گیندبازی کرتے ہوئے 33 رن کے عوض 5 وکٹیں حاصل کیں جبکہ راشد خان نے 3 وکٹیں حاصل کیں۔

افغانستان کی اننگز کا آغاز رحمان اللہ گرباز اور ابراہیم زدران نے جارحانہ انداز میں کیا۔ انہوں نے 15 اوورز میں پہلی وکٹ کے لیے 99 رن جوڑے۔ گرباز 40 رن بنا کر آو¿ٹ ہوئے جب کہ ابراہیم 95 رن بنا کر رن آو¿ٹ ہوئے۔نبی نے آخری اوورز میں دھماکہ خیز انداز میں کھیلتے ہوئے صرف 14 گیندوں پر 45 رن بنا کر اننگز کو مضبوط مجموعے تک پہنچا دیا۔

ہدف کے تعاقب میں بنگلہ دیش جلد ہی ڈھیر ہو گیا۔ محمد نعیم نویں اوور میں آو¿ٹ ہو گئے اور اس کے بعد وکٹیں گرنے کا سلسلہ چل پڑا۔ 70/3 سے، ٹیم 81/8 پر سمٹ گئی۔ صرف سیف حسن 43 رن بنانے میں کامیاب رہے جب کہ دیگر بلے بازدہرے ہندسے تک پہنچنے میں ناکام رہے۔

مختصر اسکور: افغانستان – 293/9 (ابراہیم زادران 95، محمد نبی 62*، سیف حسن 3/6، تنویر اسلام 2/46) بنگلہ دیش – 93 (سیف حسن 43؛ بلال سمیع 5/33، راشد خان 3/12)

نتیجہ: افغانستان 200 رن سے جیت گیا۔

ہندوستھان سماچار

ہندوستان سماچار / محمد شہزاد