لاتور

، 15 اکتوبر(ہ س)۔ دیوالی کے موقع پر لاتور میونسپل کونسل نے جائیداد

مالکان کو راحت دیتے ہوئے پراپرٹی ٹیکس کے بقایا جات پر 80 فیصد جرمانہ معافی اسکیم

کا اعلان کیا ہے۔ کمشنر اور ایڈمنسٹریٹر مانسی نے کہا کہ یہ اسکیم بقایا جات ادا

کرنے والوں کے لیے آخری موقع ہے، لہٰذا شہری اس سہولت سے بھرپور فائدہ اٹھائیں۔

ٹیکسیشن

ڈپارٹمنٹ نے بتایا کہ مالی سال 2025-26 کے آغاز سے ہی مکمل ٹیکس وصولی کو یقینی

بنانے کے لیے کئی مراعاتی اقدامات کیے گئے ہیں۔ اس دوران مختلف رعایتی اسکیمیں

متعارف کرائی گئیں، مگر انتظامیہ کی متعدد اپیلوں کے باوجود کئی مالکان نے اپنے

بقایا ٹیکس ادا نہیں کیے۔

اس پس

منظر میں کارپوریشن نے قبضہ مہم کو جاری رکھنے کا فیصلہ کیا ہے، لیکن دیوالی کے پیشِ

نظر نرمی دکھاتے ہوئے 15 اکتوبر سے 10 نومبر تک جرمانے میں 80 فیصد تک رعایت فراہم

کی گئی ہے، بشرطیکہ مکمل بقایا جات ایک ساتھ ادا کیے جائیں۔

مانسی

نے کہا کہ یہ رعایت ایک وقتی اقدام ہے اور اس کے بعد دوبارہ اسکیم لاگو نہیں کی

جائے گی۔ انہوں نے جائیداد مالکان سے اپیل کی کہ وہ وقت پر اپنے واجبات ادا کر کے

میونسپل انتظامیہ کے ساتھ تعاون کریں اور ممکنہ قبضہ کارروائی سے بچیں۔

ہندوستھان سماچار

ہندوستان سماچار / جاوید این اے