پٹنہ، 13 اکتوبر (ہ س)۔ بہار میں گلابی ٹھنڈک کی دستک سے موسم سہانا ہوگیا ہے۔ صبح اور رات کو ہلکی سردی محسوس ہورہی ہے اور دن اور رات کے درجہ حرارت میں بھی کمی آرہی ہے۔

پٹنہ کے محکمہ موسمیات کے مطابق آئندہ دنوں میں کم سے کم درجہ حرارت میں مزید کمی کا امکان ہے۔ ریاست کے کئی اضلاع میں ٹھنڈی ہواؤں کے اثرات محسوس کیے جا رہے ہیں۔ گاؤںمیں صبح کے وقت شدید سردی پڑ رہی ہے۔ محکمہ موسمیات کے مطابق اب بارش کا کوئی امکان نہیں ہے۔

مانسون کے کمزور ہونے کے ساتھ ہی ہوا کی سمت اور فطرت میں تبدیلی دیکھی جا رہی ہے۔ مغربی ہواؤں کے اثر سے صبح اور شام کے درجہ حرارت میں کمی آرہی ہے۔ کئی علاقوں میں ہلکی دھند بھی پڑ رہی ہے۔ محکمہ نے پیشن گوئی کی ہے کہ 15 اکتوبر کے بعد ریاست کے شمال مغربی حصوں میں درجہ حرارت مزید گر سکتا ہے۔

فی الحال آسمان صاف رہے گا اور خشک ہوائیں کی وجہ سے راتوں کو ٹھنڈی جبکہ دن خوشگوار رہیں گے۔ راجدھانی پٹنہ سمیت بیشتر اضلاع میں اس وقت دن کا زیادہ سے زیادہ درجہ حرارت 30 سے35 ڈگری سیلسیس کے درمیان ہے جب کہ رات کا کم سے کم درجہ حرارت 18.6 ڈگری سیلسیس تک پہنچ گیا ہے۔ ماہرین موسمیات کے مطابق آئندہ دنوں میں دن کے درجہ حرارت میں ایک سے دو ڈگری کا معمولی اضافہ ممکن ہے۔ حالانکہ رات کے درجہ حرارت میں فی الحال کوئی خاص تبدیلی نہیں آئے گی۔

ہندوستھان سماچار

ہندوستان سماچار / Mohammad Afzal Hassan