پریاگ راج، 12 اکتوبر (ہ س)۔

اتر پردیش کے پریاگ راج ضلع میں، دیوالی کے پیش نظر پٹاخوں کی غیر قانونی فروخت اور ذخیرہ کرنے کے خلاف مہم کے ایک حصے کے طور پر، پولیس نے اتوار کو تین غیر قانونی گوداموں پر چھاپہ مارا اور پٹاخوں کی کل 69 بوریاں اور بارود برآمد کیا۔ پولیس ٹیم نے غیر قانونی ذخیرہ اندوزی کے الزام میں پانچ افراد کو گرفتار کر لیا۔ برآمد کیے گئے پٹاخوں کا کل وزن تقریباً 1396.360 کلو گرام ہے۔

گنگا نگر کے ڈپٹی کمشنر پولیس کلدیپ سنگھ گنوان نے بتایا کہ اتوار کو ہنڈیا تھانے کی پولیس ٹیم نے تین لوگوں کو گرفتار کیا جو دھوبہا بروت روڈ کے قریب ایک گودام میں بھاری مقدار میں پٹاخے اور بارود کو غیر قانونی طور پر ذخیرہ کر رہے تھے۔ پولیس ٹیم نے موقع سے 45 بوریوں اور کارٹنوں میں مجموعی طور پر 977 کلو اور 360 گرام غیر قانونی پٹاخے برآمد کئے۔ انہوں نے بتایا کہ پٹاخوں کی غیر قانونی تجارت کے معاملے میں گرفتار ملزمان میں رادھے شیام موریہ عرف منگل ولد موتی لال موریہ ساکنہ بروت دھوبہا روڈ ہنڈیا تھانہ علاقہ، گھنشیام موریہ ولد موتی لال موریہ اور رویشنکر ہریجن ولد شری رام ساکنہ ہنڈیا پور تھانہ علاقہ ہے۔ اس سلسلے میں ہنڈیا پولیس اسٹیشن میں مقدمہ درج کیا گیا اور قانونی کارروائی کے بعد انہیں جیل بھیج دیا گیا۔ اسی طرح پریاگ راج ضلع کے ڈپٹی کمشنر آف پولیس، جمنا نگر، وویک چندر یادو نے بتایا کہ کاندھیارہ پولیس اسٹیشن کی ایک پولیس ٹیم نے اتوار کے روز سبھاش چندر کیشروانی ولد مرحوم سنگم لال کیشروانی، ساکن جری بازار کو پٹاخوں کو غیر قانونی طور پر ذخیرہ کرنے اور فروخت کرنے کے الزام میں گرفتار کیا۔ پولیس ٹیم نے غیر قانونی گودام سے پٹاخوں کی سات بوریاں اور کارٹن برآمد کیے جن کا وزن تقریباً 90 کلو گرام تھا۔ پولیس ٹیم نے آئی پی سی کی دفعہ 288 اور دھماکہ خیز مواد ایکٹ 1884 کی 5/9(b) کے تحت کاندھیارہ پولیس اسٹیشن میں مقدمہ درج کیا اور ضروری قانونی کارروائی شروع کی۔

ہندوستھان سماچار

ہندوستان سماچار / عطاءاللہ