ٹریول مارٹ کا بنیادی مقصد دیہی سیاحت اور کاروباری مواقع کو فروغ دینا ہے

چیف سکریٹری جین نے نمائندوں اور سرمایہ کاروں سے ملاقات کی

بھوپال، 12 اکتوبر (ہ س) مدھیہ پردیش ٹریول مارٹ بی-2 - بی ایونٹ اور نمائش کا اتوار کو آغاز ہوا۔ اس تقریب میں ہندوستان اور بیرون ملک سے ٹور آپریٹرز اور ہوٹل کے نمائندے شرکت کر رہے ہیں۔

ریاست کے چیف سکریٹری انوراگ جین نے آج بھوپال کے ایم وی ایم گراونڈ میں منعقدہ مدھیہ پردیش ٹریول مارٹ بی- 2- بی (بزنس ٹو بزنس) ایونٹ اور نمائش کا باضابطہ افتتاح کیا۔ اس تقریب کا مقصد ریاست میں سیاحت کو فروغ دینے کے لیے کاروباری تعلقات کو مضبوط بنانا ہے۔ چیف سکریٹری نے مدھیہ پردیش ٹورازم پویلین اور ’’ویلیج وائبس‘‘ کا بھی افتتاح کیا، جو ریاست میں دیہی سیاحت کی نمائش کرتی ہے۔ اس موقع پر معروف اداکار رگھویر یادو اور ایڈیشنل چیف سکریٹری سیاحت و ثقافت شیو شیکھر شکلا بھی موجود تھے۔

چیف سکریٹری جین نے ریاست کے مقامی دیہی ماحول کو ظاہر کرنے والی متحرک نمائش ’’ولیج وائبس‘‘ کی تعریف کی۔ انہوں نے خواتین کے لئے سیف ٹورسٹ ڈیسٹینیشن فار ویمن پروجیکٹ کے تحت تربیت یافتہ لڑکیوں سے بات چیت کی۔ ساتھ ہی دیہی کچن کی نقل ’’ماں کی رسوئی‘‘، بلاک پرنٹنگ، ایک سووینئر شاپ، چندیری ساڑی کی بنائی، لائیو گونڈ پیٹنگ کے لائیو ڈیمو کا مشاہدہ کیا۔ چیف سکریٹری جین کا روایتی ڈھول اور بانسری کے ساتھ استقبال کیا گیا۔

چیف سکریٹری نے بی-2- بی ایوینٹ میں خاص طور سے جگہ عطا کردہ ریاست کے دیہی ہوم اسٹے آپریٹرز سے ملاقات کی۔ انہوں نے بین الاقوامی ٹور اور ٹریول آپریٹرز کے ساتھ مکالمے اور کاروباری مواقع فراہم کرنے پر دیہی ہوم اسٹے آپریٹرز کی تعریف کی۔ انہوں نے ونراج ہوم اسٹے، پلاش ولا پینچ، جیانشی ہوم اسٹے، ویدیکا ہل ہوم اسٹے، اور گرینڈ نرمدا ہوم اسٹے سمیت مختلف ہوم اسٹے آپریٹرز سے ملاقات کی اور ان کی حوصلہ افزائی کی۔ انہوں نے ان کی یادگاری مصنوعات کو دیکھا اور ان کی کوششوں کی تعریف کی۔

انہوں نے غیر ملکی اور ہندوستانی ٹور آپریٹرز، ہوٹل کے نمائندوں اور سرمایہ کاروں سے ملاقات کی تاکہ انہیں ریاست میں سیاحت کو فروغ دینے کی کوششوں کے بارے میں آگاہ کیا جا سکے۔ انہوں نے مدھیہ پردیش ٹریول مارٹ میں شرکت کے لیے ان کا شکریہ ادا کیا اور ان پر زور دیا کہ وہ مدھیہ پردیش میں سیاحت کو فروغ دیں۔ چیف سکریٹری جین نے نمائشوں اور اسٹالوں کا دورہ کیا اور شرکاء سے بات چیت کرتے ہوئے ریاست کی نئی سیاحتی پالیسی، سرمایہ کاری کے مواقع اور آئندہ منصوبوں کے بارے میں معلومات کا تبادلہ کیا۔

اس موقع پر منیجنگ ڈائرکٹر مدھیہ پردیش اسٹیٹ ٹورازم ڈیولپمنٹ کارپوریشن ڈاکٹر الایا راجہ ٹی، ایڈیشنل منیجنگ ڈائرکٹر ایم پی ٹورازم بورڈ بدیشا مکھرجی کے ساتھ محکمہ سیاحت کے افسران اور بڑی تعداد میں بین الاقوامی اور گھریلو ٹور، ٹریول آپریٹرس اور ہوٹل والے موجود تھے۔

مدھیہ پردیش ٹریول مارٹ کا بی- 2- بی (بزنس ٹو بزنس) ایونٹ ایک اہم کاروباری پلیٹ فارم ہے۔ اس کا بنیادی مقصد مدھیہ پردیش کے ٹور آپریٹرز اور ہوٹل والوں (بیچنے والوں) کو قومی اور بین الاقوامی ٹریول ایجنٹس (خریداروں) سے براہ راست جوڑنا ہے۔ کاروباری معاہدے اور شراکت داری تقریب میں پہلے سے طے شدہ ملاقاتوں کے ذریعے قائم کی جاتی ہے۔ یہ ریاست کے متنوع سیاحتی مقامات کو فروغ دینے کا موقع فراہم کرتا ہے، جیسے کہ جنگلی حیات، ورثہ، اور نئے مقامات، خریداروں کو پرکشش ٹور پیکجز بنانے کے قابل بناتا ہے۔ اس کا مقصد ریاست میں سیاحوں کی آمد میں اضافہ کرکے مقامی معیشت کو فروغ دینا ہے۔

ہندوستھان سماچار

ہندوستان سماچار / انظر حسن