مرشد آباد، 12 اکتوبر (ہ س) مغربی بنگال میں جی آر پی نے ایک بڑی کارروائی کرتے ہوئے ایک بین ریاستی موبائل فون کی اسمگلنگ کا پردہ فاش کیا ہے۔ اتر پردیش سے بنگلہ دیش موبائل فون اسمگل کرنے کی کوشش کرتے ہوئے دو نوجوانوں کو گرفتار کر لیا گیا۔ پولیس نے ان سے 147 موبائل فون برآمد کئے۔ پولیس معاملے کی جانچ کر رہی ہے تاکہ یہ معلوم کیا جا سکے کہ آیا ان فونز کی سمگلنگ کے پیچھے کوئی سازش ہے اور اس نیٹ ورک میں اور کون کون ملوث ہے۔

پولیس ذرائع کے مطابق گرفتار ملزمان میں داؤد ابراہیم (24) اور طاہرروپ شیخ (25) ہیں۔ دونوں مالدہ ضلع کے کالی چک علاقے کے رہنے والے ہیں۔

فرکا جی آر پی کے مطابق، دونوں ملزمین اتر پردیش سے اپ برہم پترا میل ایکسپریس ٹرین میں فرکا پہنچے تھے۔ جب وہ نیو فرکا اسٹیشن کے پلیٹ فارم نمبر 1 پر اترے اور کالی چک کے لیے روانہ ہونے کی تیاری کر رہے تھے، جی آر پی نے خفیہ اطلاع کی بنیاد پر انہیں گرفتار کر لیا۔

دوران تفتیش ان کے بیگ سے 147 موبائل فون برآمد ہوئے۔ جب ان سے موبائل فونز کے ذرائع اور مقصد کے بارے میں پوچھا گیا تو وہ کوئی تسلی بخش جواب دینے سے قاصر رہے۔ جس کے بعد پولیس نے دونوں کو گرفتار کرلیا۔

پولیس اب اس بات کی تحقیقات کر رہی ہے کہ آیا ان موبائل فونز کو بنگلہ دیش بھیجنے کے پیچھے کوئی بین الاقوامی سمگلنگ نیٹ ورک ہے یا دہشت گردی کی سازش ہے۔ اتوار کو دونوں ملزمان کو سات دن کی پولیس حراست کی درخواست کے ساتھ عدالت میں پیش کیا گیا۔

ہندوستھان سماچار

---------------

ہندوستان سماچار / عبدالواحد