مغربی سنگھ بھوم، 11 اکتوبر (ہ س)۔ جھارکھنڈ کے مغربی سنگھ بھوم (چائباسا) ضلع کے سارنڈا کے گھنے جنگل میں آئی ای ڈی دھماکے میں سی آر پی ایف کی 60ویں بٹالین کے ہیڈ کانسٹیبل (جی ڈی) مہیندر لشکر جمعہ کو شہید ہو گئے۔ انہیں تشویشناک حالت میں اسپتال میں داخل کرایا گیا تھا اور جمعہ کی رات علاج کے دوران ان کی موت ہوگئی۔ وہ آسام کے رہنے والے تھے۔ بٹالین میں سوگ کی لہر دوڑ گئی۔

دھماکے میں زخمی انسپکٹر (جی ڈی) کوشل کمار مشرا اور اے ایس آئی (جی ڈی) رام کرشن گاگرائی کو راورکیلا کے اپولو اسپتال میں داخل کرایا گیا ہے۔ دونوں کی حالت خطرے سے باہر بتائی جاتی ہے۔ زخمی اے ایس آئی رام کرشن گاگرائی جھارکھنڈ کے کھرساواں ایم ایل اے دشرتھ گاگرائی کے بھائی ہیں۔ سی آر پی ایف حکام نے بتایا کہ زخمیوں کو بہترین علاج فراہم کیا جا رہا ہے۔ انہوں نے مزید کہا کہ سپاہی مہیندر لشکر کی قربانی رائیگاں نہیں جائے گی۔ واقعہ کے بعد سیکورٹی فورسز نے علاقے میں تلاشی مہم تیز کردی ہے اور ماونوازوں کی تلاش جاری ہے۔

دھماکہ جمعہ کی شام تقریباً چار بجے ہوا۔ سیکورٹی فورسز نکسل متاثرہ علاقے میں تلاشی مہم چلا رہے تھے۔ اس دوران ماونوازوں کی طرف سے نصب آئی ای ڈی پھٹ گیا۔ دھماکے کے بعد علاقے میں تصادم بھی ہوا۔ قابل ذکر ہے کہ گزشتہ چند مہینوں میں سارنڈا علاقے میں آئی ای ڈی دھماکوں کے واقعات میں اضافہ ہوا ہے۔ 8 اگست کو سی آر پی ایف کی 209 ویں کوبرا بٹالین کے دو سپاہی زخمی ہوگئے تھے، جب کہ 22 مارچ کو ایک سب انسپکٹر کی علاج کے دوران موت ہو گئی۔ اپریل میں بھی جھارکھنڈ جیگوار کا ایک سپاہی آئی ای ڈی دھماکے میں شہید ہوا تھا۔

ہندوستھان سماچار

ہندوستان سماچار / محمد شہزاد