شروعاتی کاروبار میں شیئر بازار میں تیزی کا رجحان، سینسیکس اور نفٹی میں اضافہ

نئی دہلی، 10 اکتوبر (ہ س)۔ گھریلو شیئر بازار میں آج شروعاتی کاروبار کے دوران تیزی کا رجحان نظر آرہا ہے۔ آج کے کاروبار کی شروعات کمزوری کے ساتھ ہوئی تھی۔ بازار کھلتے ہی خریداروں نے خریداری کا زور بنا دیا، جس کی وجہ سے سینسیکس اور نفٹی دونوں انڈیکس میں تیزی آگئی۔ صبح 10 بجے تک کا کاروبار ہونے کے بعد سینسیکس 0.36 فیصد اور نفٹی 0.34 فیصد کے اضافے کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد شیئر مارکیٹ کے بڑے شیئروں میں سے او این جی سی، ایکسس بینک، ٹرینٹ لمیٹڈ، اسٹیٹ بینک آف انڈیا اور ایس بی آئی لائف انشورنس کے شیئر 1.26 فیصد سے لیکر 0.89 فیصد کی مضبوطی کے ساتھ کاروبار کر رہے تھے۔ دوسری طرف ٹاٹا اسٹیل، جے ایس ڈبلیو اسٹیل، ہنڈالکو انڈسٹریز، ٹی سی ایس، اور ٹیک مہندرا کے شیئر 1.46 فیصد سے لیکر 0.37 فیصد کی گراوٹ کے ساتھ کاروبار کرتے نظر آرہے تھے۔

ابھی تک کے کاروبار میں شیئر مارکیٹ میں 2,088 شیئروں میں ایکٹو ٹریڈنگ ہورہی تھی۔ ان میں سے 1,554 شیئر منافع کما کر سب نشان، جبکہ 534 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 23 شیئر خریداری کی حمایت سے سبز نشان برقرار تھے۔ دوسری طرف 7 شیئرو فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 38 شیئر سبز نشان میں اور 12 شیئر سرخ نشان میں کاروبار کرتے نظر آرہے تھے۔

بی ایس ای کا سینسیکس آج 96.65 پوائنٹس کی کمی کے ساتھ 82,075.45 پوائنٹس پر کھلا۔ کاروبار شروع ہوتے ہی خریداروں نے خریداری کا زور بنا دیا، جس سے انڈیکس کی حرکت میں تیزی آگئی۔ مسلسل جاری خریداری کی وجہ سے انڈیکس چھلانگ لگا کر 82,551.66 تک پہنچ گیا۔ حالانکہ اس کے بعد ہونے والی فروخت کی وجہ سے اس میں معمولی گراوٹ بھی آئی۔ بازار میں مسلسل جاری خرید و فروخت کے درمیان سینسیکس صبح 10 بجے 292.32 پوائنٹس کی مضبوطی کے ساتھ 82,464.42 پر کاروبار کر رہا تھا۔

سینسیکس کی طرح این ایس ای نفٹی نے بھی آج 14.15 پوائنٹس کی کمی کے ساتھ 25,167.65 پوائنٹس پر کاروبار کی شروعات کی۔ بازار کھلتے ہی خریداروں نے خریداری کا زور بنا دیا، جس سے اس انڈیکس کی چال میں تیزی آگئی۔ مسلسل ہورہی خریداری کی وجہ سے صبح 10 بجے سے کچھ دیر پہلے 100 پوائنٹس سے زیادہ کی مضبوطی کے ساتھ 25,285.10 تک پہنچ گیا۔ حالانکہ اس کے بعد ہوئی ہلکی پھلکی فروخت کی وجہ سے انڈیکس کی حرکت میں معمولی کمی واقع ہوئی۔ بازار میں مسلسل جاری خرید و فروخت کے درمیان نفٹی صبح 10 بجے 86.95 پوائنٹس کے اضافے کے ساتھ 25,267.75 پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن