چودھری رمضان، سجاد کچلو، شمی اوبرائے این سی کے امیدوار نامزد

سرینگر، 10 اکتوبر (ہ س)۔ نیشنل کانفرنس (این سی) نے جمعہ کو آئندہ راجیہ سبھا انتخابات کے لئے اپنے امیدواروں کا اعلان کیا۔ چوھدری محمد رمضان، شمی اوبرائے اور سجاد کچلو کو الیکشن لڑنے کے لیے نامزد کیا گیا ہے۔تفصیلات کے مطابق ایک پریس کانفرنس سے خطاب کرتے ہوئے این سی کے جنرل سکریٹری علی محمد ساگر نے کہا کہ پارٹی نے تین امیدواروں کو حتمی شکل دی ہے اور فی الحال چوتھی نشست کے بارے میں کانگریس کے ساتھ بات چیت ہو رہی ہے۔ ہم نے ایک سیٹ کھلی رکھی ہے اور کانگریس کے ساتھ بات چیت جاری ہے۔ این سی لیڈروں نے یہ واضح نہیں کیا کہ آیا وہ کانگریس کے لیے تین محفوظ سیٹوں میں سے ایک کو چھوڑنے کا ارادہ رکھتے ہیں یا انہیں ایسی مسابقتی سیٹ کی پیشکش کرتے ہیں جہاں بی جے پی کو فائدہ ہو۔ جب کہ اتحاد کے پاس چوتھی نشست کے لیے 24 ووٹ ہیں، بی جے پی کے پاس 28 ووٹ ہیں۔ہندوستھان سماچار

ہندوستان سماچار / Aftab Ahmad Mir