کولمبو، 2 ستمبر (ہ س)۔

سری لنکا نے انگلینڈ کے دورے کے لیے اپنی ون ڈے ٹیم میں سابق کپتان داسن شناکا کو واپس بلایا ہے۔ شناکا جنوری 2024 کے بعد پہلی مرتبہ ایک روزہ کرکٹ میں کھیلتے نظر آ سکتے ہیں۔ ان کے علاوہ لیگ اسپنر سچندو کولمبگے کو بھی ٹیم میں شامل کیا گیا ہے۔

شناکا اور کولمبگے کی واپسی کے ساتھ ملان رتنائیکے اور پرمود مدوشن کو ٹیم سے باہر کر دیا گیا ہے۔ سری لنکا نے جون میں ویسٹ انڈیز کے خلاف بارش سے متاثرہ تین میچوں کی ون ڈے سیریز 1-0 سے جیتی تھی۔

شناکا کی واپسی سے سری لنکا کے مڈل آرڈر کو تجربہ حاصل ہوگا۔ سری لنکا کی نظریں اگلے سال ہونے والے ایک روزہ عالمی کپ میں جگہ بنانے پر ہیں۔ شناکا نے اب تک 71 ون ڈے میچ کھیلے ہیں، جن میں سے 43 میں سری لنکا کی کپتانی کی ہے۔ تاہم اس فارمیٹ میں ان کی بیٹنگ اوسط 22.39 رہی ہے۔

ٹی20 ٹیم میں چرتھ اسلنکا کی واپسی

انگلینڈ کے خلاف ٹی20 بین الاقوامی سیریز کے لیے سری لنکا نے سابق کپتان چرتھ اسلنکا کو بھی ٹیم میں واپس بلایا ہے۔ ویسٹ انڈیز کے خلاف ٹی20 ٹیم سے باہر رہنے والے اسلنکا نے لنکا پریمیئر لیگ میں شاندار کارکردگی کے بعد واپسی کی ہے۔

اسلنکا نے لنکا پریمیئر لیگ میں 38.50 کی اوسط اور 153.38 کے اسٹرائیک ریٹ سے 385 رنز بنائے۔ انہوں نے چیمپئن گال گلیڈی ایٹرز کے لیے چار نصف سنچریاں اسکور کیں۔ انگلینڈ کے پورے دورے کے لیے انہیں نائب کپتان بنایا گیا ہے، جبکہ کوشل مینڈس کپتان برقرار رہیں گے۔

لنکا پریمیئر لیگ میں سب سے زیادہ 434 رنز بنانے والے لاہرو اودارا کو بھی ٹی20 ٹیم میں شامل کیا گیا ہے۔ ان کا واحد ٹی20 بین الاقوامی میچ 2023 کے ہانگڑو ایشین گیمز میں آیا تھا۔

آل راو¿نڈر جنیتھ لیانگے اور دونوں ہاتھوں سے گیند بازی کرنے والے اسپنر تھارندو رتنائیکے کو بھی ٹیم میں جگہ ملی ہے۔ وہیں لستھ کروس پ±لّے، پون رتنائیکے، ملان رتنائیکے اور دلشان مدوشنکا کو کیریبین دورے کے بعد ٹیم سے باہر کر دیا گیا ہے۔

15 ستمبر سے شروع ہوگا انگلینڈ کا دورہ

سری لنکا کا انگلینڈ دورہ 15 ستمبر سے شروع ہوگا۔ تین میچوں کی ٹی20 بین الاقوامی سیریز ساو¿تھمپٹن، کارڈف اور مانچسٹر میں کھیلی جائے گی۔ اس کے بعد تین میچوں کی ون ڈے سیریز چیسٹر-لی-اسٹریٹ، لیڈز اور دی اوول میں ہوگی۔ ون ڈے سیریز کا پہلا مقابلہ 22 ستمبر کو کھیلا جائے گا۔

انگلینڈ کے خلاف ون ڈے ٹیم:

کوشل مینڈس (کپتان)، چرتھ اسلنکا (نائب کپتان)، پاتھم نسانکا، کامل مشارا، کامندو مینڈس، جنتھ لیانگے، پون رتنائیکے، داسن شناکا، ونیندو ہسرنگا، دونتھ ویلالاگے، مہیش تھیکشنا، سچندو کولمبگے، دوشمنتھا چمیرا، ایشان ملنگا، اسیتھا فرنانڈو، دلشان مدوشنکا۔

انگلینڈ کے خلاف ٹی20 ٹیم:

کوشل مینڈس (کپتان)، چرتھ اسلنکا (نائب کپتان)، پتھم نسانکا، کامل مشارا، لاہرو اودارا، کامندو مینڈس، جنتھ لیانگے، داسن شناکا، دونتھ ویلالاگے، ونیندو ہسرنگا، مہیش تھیکشنا، تھارندو رتنائیکے، دشمنتھا چمیرا، ایشان ملنگا، نوان توشارا، بنورا فرنانڈو۔

ہندوستھان سماچار

ہندوستان سماچار / عطاءاللہ