سپول میں غیر ملکی شراب کی 22,380 بوتل ضبط، دو اسمگلر گرفتارسپول، 3 مارچ (ہ س)۔ ضلع میں منشیات کے خلاف جاری مہم میں پولیس کو بڑی کامیابی ملی ہے۔ ایس پی شرتھ آر ایس کی اطلاع پر کارروائی کرتے ہوئے بڑی مقدار میں غیر ملکی شراب برآمد کی گئی۔ منگل کی صبح تھانہ انچارج گیان رنجن نے بتایا کہ بنگال سے مدھوبنی ضلع میں غیر قانونی شراب کی ایک کھیپ لے جانے کی اطلاع ملی تھی۔ اطلاع کی بنیاد پر پولیس ٹیم نے کشن پور تھانہ علاقہ کے تحت کوسی مہاسیتو کے قریب گاڑی کی جانچ کی۔ اس دوران ایک مشکوک ٹرک کو روک کر تلاشی لی گئی جس کے نتیجے میں کثیرمقدار میں غیر ملکی شراب برآمد ہوئی۔ ضبط شراب رائل منشن گولڈ 750 ایم ایل کی 43 کارٹن (516بوتل)، 375 ایم ایل کی 99 کارٹن (2376بوتل)،190 ایم ایل کی 50 کارٹن (2400 بوتل) اور آفیسرس چوائس 180 ایم ایل کی 356 کارٹن ( 17088بوتل ) شامل ہیں۔ اس طرح ٹرک سے کل 22380 بوتل یعنی تقریباً 4785 لیٹر غیر ملکی شراب ضبط کی گئی۔ پولیس نے جائے وقوعہ سے دو اسمگلروں کو گرفتار کر کے ٹرک کو ضبط کر لیا گیا ہے۔ گرفتار ملزمین سے پوچھ گچھ کی جا رہی ہے اور پورے نیٹ ورک کے بارے میں معلومات اکٹھی کی جا رہی ہیں۔ تھانہ انچارج نے بتایا کہ گرفتار اسمگلروں کے خلاف ایکسائز ایکٹ کے تحت ایف آئی آر درج کرکے مزید کارروائی کی جارہی ہے۔ ضلع میں شراب کے غیر قانونی کاروبار کے خلاف مہم بلا تعطل جاری ہے۔ہندوستھان سماچار

ہندوستان سماچار / Mohammad Afzal Hassan