رانچی، 03 مارچ (ہ س)۔ جھارکھنڈ کے وزیر اعلیٰ ہیمنت سورین نے خلیجی ممالک میں تیزی سے بدلتی ہوئی صورتحال پر تشویش کا اظہار کرتے ہوئے مرکزی حکومت سے جھارکھنڈ کے باشندوں اور وہاں پھنسے دیگر ہندوستانیوں کی محفوظ واپسی کو یقینی بنانے کی اپیل کی ہے۔

وزیر اعلی نے منگل کو سوشل میڈیا پلیٹ فارم ایکس پر پوسٹ کر کہا کہ خلیجی خطہ میں رہنے والے جھارکھنڈکے باشندوں سمیت تمام ہندوستانی مستعد رہیں۔ انہوں نے یقین دلایا کہ ملک اپنے شہریوں کے ساتھ مضبوطی کے ساتھ کھڑا ہے۔

ہیمنت سورین نے وزیر اعظم نریندر مودی اور وزیر خارجہ ڈاکٹر ایس جے شنکر سے ان تمام ہندوستانیوں کو محفوظ طریقے سے واپس لانے کے لیے ضروری اقدامات کرنے کی درخواست کی ہے جو موجودہ حالات میں غیر محفوظ محسوس کر رہے ہیں۔

انہوں نے کہا کہ ریاستی حکومت بھی صورتحال پر مسلسل نظر رکھے ہوئے ہے اور ضرورت پڑنے پر ہر ممکن مدد فراہم کرنے کے لئے تیار ہے۔

ہندوستھا ن سماچار

ہندوستان سماچار / محمد شہزاد