جموں کشمیر کے سابق وزیراعلیٰ فاروق عبداللہ پر حملے کی مکمل تحقیقات کی ضرورت ہے : میرواعظ

سری نگر، 12 مارچ (ہ س)۔ میر واعظ عمر فاروق نے جمعرات کو جموں و کشمیر کے سابق وزیر اعلیٰ فاروق عبداللہ پر حملے کی مذمت کرتے ہوئے کہا کہ اس واقعہ کی مکمل تحقیقات کی ضرورت ہے۔ 88 سالہ عبداللہ اس وقت بال بال بچ گئے جب بدھ کی رات جموں کے مضافات میں گریٹر کیلاش میں شادی کی تقریب سے نکلتے ہوئے ایک پستول بردار نے مبینہ طور پر پیچھے سے ان پر گولی چلادی۔ ملزم جس کی شناخت 63 سالہ کمل سنگھ جموال کے طور پر ہوئی ہے جو جموں کے پرانی منڈی کے رہائشی ہے، گرفتار کیا گیا اور پولیس کو بتایا کہ وہ گزشتہ 20 برسوں سے عبداللہ کو نشانہ بنانے کے لیے موقع کا انتظار کر رہا تھا۔ میرواعظ نے اپنے ایکس ہینڈل پر پوسٹ کیا، جموں میں ایک تقریب میں ڈاکٹر فاروق عبداللہ صاحب کی زندگی پر حملہ کرنے کی خبر تشویشناک اور قابل مذمت ہے۔‘‘ مذہبی رہنماؤں نے اس بات کی تحقیقات کا مطالبہ کیا کہ حملہ آور بھاری بھرکم ہتھیار کے ساتھ عبداللہ کے اتنے قریب کیسے پہنچا۔ میرواعظ نے مزید کہا کہ یہ جان کر سکون ہوا کہ وہ محفوظ ہیں، کہ کوئی بھاری بھرکم ہتھیار کے ساتھ اتنا قریب آیا اور ان پر گولی چلا دی، اس کی مکمل تحقیقات کی ضرورت ہے۔‘‘ہندوستھان سماچار

ہندوستان سماچار / Aftab Ahmad Mir