نئی دہلی، 12 مارچ (ہ س): دہلی کے نئے مقرر کردہ لیفٹیننٹ گورنر ترنجیت سنگھ سندھو سے جمعرات کو دہلی کے بی جے پی ممبران پارلیمنٹ پروین کھنڈیلوال، منوج تیواری، بنسوری سوراج، یوگیندر چندولیا، کمل جیت سہراوت، اور رامویر سنگھ بیدھوڑی نے ملاقات کی۔ اراکین پارلیمنٹ نے لیفٹیننٹ گورنر کو ان کی نئی ذمہ داری کے لیے نیک خواہشات کا اظہار کیا۔

پروین کھنڈیلوال نے سوشل میڈیا پر پوسٹ کرتے ہوئے کہا کہ وزیر اعظم نریندر مودی کے ایک ترقی یافتہ ہندوستان اور ایک مضبوط دارالحکومت کے وژن کے مطابق ترنجیت سنگھ سندھو کا بھرپور انتظامی تجربہ، عالمی وژن اور موثر قیادت دہلی کی ترقی کو ایک نئی تحریک دے گی۔ انہوں نے کہا کہ ہم سب عوامی نمائندے مل کر صفائی، ہموار ٹریفک، بہتر شہری انفراسٹرکچر، کاروباری سرگرمیوں کی توسیع اور شہری سہولیات کی مضبوطی کے لیے کام کریں گے۔

---------------

ہندوستان سماچار / عبدالسلام صدیقی