پنڈھرپور( مہاراشٹر) ، 19

جولائی (ہ س)۔

پنڈھرپور میں بھگوان وٹھل اور دیوی رکمنی کے

درشن کے لیے آئی تین خواتین دریائے چندر بھاگا میں ڈوب گئیں، جس سے شہر میں سوگ کی

کیفیت طاری ہو گئی ہے۔ یہ خواتین جالنہ ضلع کے بھوکردن تعلقہ کے داؤڈا گاؤں کی رہائشی

تھیں اور دریا میں رسمی غسل کے ارادے سے پنڈلک مندر کے نزدیک داخل ہوئیں۔ پانی کی

گہرائی اور تیز بہاؤ کا اندازہ نہ لگا سکنے کے باعث وہ ڈوب گئیں۔

متاثرہ

خواتین میں سنگیتا بائی سنجو سپکل (42) اور سنیتا بائی مہادیو سپکل (38) شامل ہیں

جبکہ تیسری خاتون کی شناخت تاحال جاری ہے۔ شولاپور دیہی پولیس نے واقعے کی تصدیق

کرتے ہوئے پنڈھرپور پولیس اسٹیشن میں کیس درج کر لیا ہے اور مزید تفتیش شروع کر دی

ہے۔

یہ

واقعہ ایسے وقت پیش آیا جب یاترا کے دوران عقیدت مندوں کی بڑی تعداد پنڈھرپور کا

رخ کرتی ہے۔ انتظامیہ کے مطابق جائے وقوعہ پر فوری کارروائی عمل میں لائی گئی اور

حالات پر قابو پایا گیا۔ اس حادثے نے درشن کے لیے آئے زائرین میں غم و افسوس کی

لہر دوڑا دی ہے اور سیکورٹی انتظامات پر نئے سرے سے غور کرنے کی ضرورت پر زور دیا

جا رہا ہے۔

ہندوستھان

سماچار

--------------------

ہندوستان سماچار / خان این اے