منڈیا، 19 جولائی (ہ س)۔

کرناٹک کے نائب وزیر اعلیٰ ڈی کے شیوکمار کی اسکارٹ گاڑی کو بنگلورو-میسور ایکسپریس وے پر ہفتہ کو حادثہ پیش آیا۔ یہ حادثہ منڈیا ضلع کے سری رنگا پٹنہ کے قریب گوداہلی ٹی ایم ہوسور علاقے میں اس وقت پیش آیا جب سیکورٹی قافلے میں شامل ایک گاڑی اچانک ڈیوائیڈر سے ٹکرا کر الٹ گئی۔ڈپٹی چیف منسٹر ڈی کے شیوکمار خود واقعہ کے وقت گاڑی میں موجود نہیں تھے جس کی وجہ سے بڑا حادثہ ٹل گیا۔ حادثہ اس وقت پیش آیا جب اسکارٹ گاڑی تیز رفتاری سے جا رہی تھی اور ڈرائیور اچانک کنٹرول کھو بیٹھا جس کی وجہ سے گاڑی سیدھی ڈیوائیڈر سے ٹکرا کر الٹ گئی۔ حادثے کے وقت شیوکمار کانگریس حکومت کے دو سال مکمل ہونے کے موقع پر میسور کے مہاراجہ کالج میں منعقد ’سادھنا سمیلن‘ میں شرکت کے بعد بنگلورو واپس آ رہے تھے۔اسکارٹ گاڑی میں چار سکیورٹی اہلکار سوار تھے۔ حادثے میں دو سیکورٹی اہلکار زخمی ہوئے، جب کہ دیگر تین محفوظ ہیں۔ زخمیوں کو میسور کے ایک اسپتال میں داخل کرایا گیا ہے۔ ابتدائی تحقیقات سے معلوم ہوا ہے کہ کوئی بھی شخص شدید زخمی نہیں ہوا ہے۔

پولیس نے کہا ہے کہ ڈی کے شیوکمار مکمل طور پر محفوظ ہیں اور ان کے کسی پروگرام یا سفر میں کوئی خلل نہیں پڑا ہے۔ پولیس حادثے کی تکنیکی تحقیقات کر رہی ہے تاکہ یہ معلوم کیا جا سکے کہ گاڑی بے قابو کیسے ہو گئی۔ریاستی حکومت نے تصدیق کی ہے کہ حادثے میں ایک ایسکارٹ گاڑی شامل تھی جو ڈی کے شیوکمار کے حفاظتی انتظامات کا حصہ تھی۔

ہندوستھان سماچار

ہندوستان سماچار / Mohammad Khan