رائے پور، 7 دسمبر (ہ س)۔ چھتیس گڑھ کے جش پور ضلع میں ہفتہ کی دیر رات قومی شاہراہ-43 پر پتترولی کے قریب ایک تیز رفتار کار پارک کیے گئے ٹرک سے ٹکرا گئی۔ ٹکر اتنی شدید تھی کہ کار کے پرخچے اڑگئے اور اس میں سوار پانچوں افراد موقع پر ہی جاں بحق ہوگئے۔ یہ واقعہ دولدولا تھانہ علاقہ میں پیش آیا۔

کار مبینہ طور پر کنکوری سے جش پور جا رہی تھی جب یہ حادثہ پیش آیا۔ مرنے والوں کا تعلق جش پور ضلع کے چرائی ڈنڈ علاقہ کے رہنے والے بتائے جاتے ہیں۔ ڈلڈولا پولیس اسٹیشن انچارج کے کے ساہو نے بتایا کہ متوفی کے اہل خانہ سے رابطہ کیا جارہا ہے۔

ہندوستھان سماچار

---------------

ہندوستان سماچار / عبدالواحد