گونڈہ، 7 دسمبر (ہ س)۔ اتر پردیش کے گونڈا ضلع میں اتوار کی صبح اتراکھنڈ ٹرانسپورٹ ڈپارٹمنٹ کی بس ایک کار سے ٹکرا گئی۔ حادثے میں ماں بیٹے سمیت تین افراد جاں بحق ہوگئے۔ دو دیگر زخمی ہوئے اور انہیں علاج کے لیے لکھنو¿ کے کے جی ایم یو اسپتال ریفر کیا گیا ہے۔ تھانہ وزیر گنج کی پولیس نے جائے وقوعہ پر پہنچ کر لاشوں کو تحویل میں لے کر زخمیوں کو اسپتال منتقل کیا۔ دریں اثناءوزیر اعلیٰ نے واقعہ کا علم ہونے پر تعزیت کا اظہار کیا۔

ایڈیشنل سپرنٹنڈنٹ آف پولیس (مغربی) رادھیشیام رائے نے بتایا کہ وزیر گنج تھانہ علاقے کے انبھولا گاو¿ں کے قریب گونڈا-ایودھیا ہائی وے پر اتراکھنڈ ٹرانسپورٹ کی بس اور کار میں تصادم ہوا۔ حادثے میں پانچ افراد زخمی ہوئے جنہیں علاج کے لیے اسپتال منتقل کیا گیا۔ ان میں سے تین کو مردہ قرار دیا گیا۔ مرنے والوں کی شناخت اکشت اگروال (35)، اس کی ماں نیتا اگروال (55) اور کزن آشو اگروال (34) کے طور پر ہوئی ہے۔ تینوں اصل کانپور کے رہنے والے تھے۔ اے ایس پی نے بتایا کہ ابتدائی تحقیقات سے پتہ چلا ہے کہ گونڈا کے رہنے والے پرمود گپتا کے بیٹے نتن گپتا کی 4 دسمبر کو شادی تھی۔ نتن کی خالہ، نیتو گوئل نے انٹرویو دیتے ہوئے انکشاف کیا کہ اکشت اپنی بیوی، نیہا گپتا، ماں، نیتا، کزن آشو اور بیٹی عنایہ کے ساتھ شادی میں شرکت کے لیے آئے تھے۔ اکشت نے سات سال قبل نیہا سے شادی کی تھی۔ اکشت بنگلورو میں کینرا بینک میں کلرک تھا اور اپنے خاندان کے ساتھ وہاں رہتا تھا۔ شادی کی تقریب کے بعد، نتن اتوار کو بنگلورو واپس آنے سے پہلے اپنے خاندان کو چھوڑنے کے لیے اکشت کے ساتھ ایودھیا ہوائی اڈے پر جا رہے تھے کہ ٹائر پھٹ گیا اور کار بے قابو ہو کر ایک خالی بس سے ٹکرا گئی۔ اکشت، آشو اور نیتا کی موقع پر ہی موت ہو گئی۔ نتن اور نیہا کو لکھنو¿ کے جی ایم یو ریفر کر دیا گیا ہے۔ عنایہ نامی بچہ محفوظ ہے اور اسے اس کے گھر والوں کو واپس کر دیا گیا ہے۔

ہندوستھان سماچار

ہندوستان سماچار / Mohammad Khan