نئی دہلی، 7 دسمبر (ہ س)۔ اقلیتی امور کی وزارت کے ذریعہ وقف املاک کو ڈیجیٹائز کرنے اور ان کے انتظام میں شفافیت کو یقینی بنانے کے لئے شروع کیا گیا ’امید‘پورٹل آخری تاریخ کے بعد سرکاری طور پر بند کردیا گیا ہے۔ یہ فیصلہ سپریم کورٹ کی ہدایات اور امید ایکٹ 1995 کے مطابق کیا گیا ہے۔پورٹل کو مرکزی اقلیتی امور کے وزیر کرن رججو نے 6 جون 2025 کو شروع کیا تھا۔ چھ ماہ کی مقررہ مدت پوری ہونے کے بعد اسے 6 دسمبر 2025 کو باضابطہ طور پر بند کر دیا گیا تھا۔

وزارت کے مطابق ریاستوں کے ساتھ مسلسل تال میل، جائزہ میٹنگز، تربیتی پروگراموں اور سکریٹری سطح کی مداخلتوں نے آخری مرحلہ تک پہنچایا جس میں وقف املاک کا ڈیٹا ریکارڈ سطح پر پورٹل پر اپ لوڈ کیا گیا۔پورٹل پر درج تازہ ترین اعداد و شمار کے مطابق، اپ لوڈ کی گئی وقف املاک کی کل تعداد 5,17,040 ہے، جن میں سے منظور شدہ جائیدادیں 2,16,905 ہیں، زیر عمل/ جمع کرائی گئی جائیدادیں 2,13,941 ہیں اور مسترد شدہ جائیدادیں (توثیق کے تحت) 10,869 ہیں۔ پورٹل کے آغاز کے دوران، وزارت کے سکریٹری ڈاکٹر چندر شیکھر کمار نے ریاستوں اور مرکز کے زیر انتظام علاقوں کے ساتھ 20 سے زیادہ جائزہ میٹنگیں کیں۔ وزارت نے کہا کہ یہ کامیابی وقف املاک کے ڈیجیٹل، شفاف اور مربوط انتظام کی سمت ایک اہم قدم ہے۔مہم کی قومی کامیابی کو یقینی بنانے کے لیے ریاستوں کو باقاعدہ تربیتی سیشن، ورکشاپس اور تکنیکی مدد فراہم کی گئی۔ دہلی میں دو روزہ ماسٹر ٹرینر ورکشاپ سمیت سات علاقائی میٹنگیں ہوئیں۔ مزید برآں، تکنیکی مسائل کو حل کرنے کے لیے وزارت کے اندر ایک وقف ہیلپ لائن قائم کی گئی تھی۔

ہندوستھان سماچار

ہندوستان سماچار / Mohammad Khan