پنجی، 07 دسمبر (ہ س)۔ شمالی گوا کے ارپورا میں دیر رات ایک نائٹ کلب میں آگ لگنے سے 23 لوگوں کی موت ہو گئی۔ گوا کے ڈائریکٹر جنرل آف پولیس آلوک کمار نے بتایا کہ تمام مہلوکین کلب کے ملازمین ہیں۔ آگ سلنڈر میں دھماکہ ہونے کے بعد لگی۔ انہوں نے بتایا کہ اب تک 23 لاشیں برآمد کی گئی ہیں۔

گوا کے وزیر اعلیٰ پرمود ساونت اور مقامی رکن اسمبلی مائیکل لوبو اطلاع ملتے ہی جائے حادثہ پر پہنچے۔ لوبو نے بتایا کہ اس حادثے میں کسی بھی سیاح کے ہلاک یا زخمی ہونے کی اطلاع ابھی تک نہیں ہے۔ افسران نے بتایا کہ آگ پر قابو پانے اور جانچ کے لیے راحت اور بچاو کا کام فوراً شروع کر دیا گیا ہے۔

وزیر اعلیٰ پرمود ساونت نے حادثے پر دکھ کا اظہار کیا ہے۔ انہوں نے کہا کہ یہ حادثہ گوا جیسے سیاحتی ریاست کے لیے بہت افسوسناک ہے۔ انہوں نے بتایا کہ جن لوگوں نے ضابطوں کو نظر انداز کر کے غیر قانونی طور پر اس طرح کے ادارے چلائے، ان کی وجہ سے یہ آگ کا حادثہ ہوا اور اس میں 23 لوگوں کی جان چلی گئی۔ حکومت اس حادثے کی جانچ کرے گی۔

ہندوستھان سماچار

---------------

ہندوستان سماچار / انظر حسن