بانکڑا، 07 دسمبر (ہ س)۔ بانکڑا کے چھاتنار دم دم علاقے کی شادی شدہ بھارتی مودی نے دیہی سماج کی روایتی سوچ کو چیلنج دیتے ہوئے فٹ بال میں نیا مقام قائم کیا ہے۔ پہلے سماج نے ان کے فٹ بال کھیلنے کے جنون پر روک لگا دی تھی، لیکن آج بھارتی مودی قبائلی لڑکیوں کو تربیت دے کر ان کے فٹ بال کے خوابوں کو پنکھ لگا رہی ہیں۔

بھارتی مودی اب گوا، چنڈی گڑھ اور بھونیشور تک اپنی ٹیم کے ساتھ جیت کی گونج پھیلا چکی ہیں۔ رسوئی سے کوچنگ گراونڈ تک کا ان کا سفر منفرد اور ترغیبی ہے، جس نے دور دراز کے گاوں میں رہنے والی لڑکیوں کے خوابوں کو بھی نئی سمت دی ہے۔

اتوار کی صبح علاقے کے ہی ایک میدان میں فٹ بال کھیلتی ہوئیں بھارتی مودی نظر آئیں۔ انہوں نے بتایا کہ ”میری کوشش ہے کہ گاوں کی لڑکیوں کو کھیل کے تئیں ترغیب دی جائے اور ان کے خوابوں کو پنکھ دیے جائیں۔“

بانکڑا کی اس ساڑی پہننے والی ’کوچ بھارتی‘ نے ثابت کر دیا کہ اگر جنون ہو تو کوئی بھی حد رکاوٹ نہیں بن سکتی۔ آج وہ بنگال کے فٹ بال کو نئے سرے سے زندہ کر رہی ہیں اور دیہی لڑکیوں کو کھیل میں آگے بڑھنے کا موقع دے رہی ہیں۔

ہندوستھان سماچار

---------------

ہندوستان سماچار / انظر حسن