مدینہ منورہ،06دسمبر(ہ س)۔مسجد نبوی میں روضہ رسولﷺ کی زیارت اور ریاض الجنہ میں نوافل کی ادائیگی کے نئے اوقات مقرر کر دیے گئے۔ادارہ امور حرمین شریفین کے مطابق نئے اوقات کار کے تحت مردوں کے لیے ’زیارت‘ کا وقت شب دو بجے سے نماز فجر تک اور دن میں وقت 11 بجے سے عشاءتک ہو گا۔عمومی صدارت ادارہ امور حرمین شریفین کی جانب سے بتایا گیا ہے کہ خواتین کے لیے زیارت کا وقت فجر کے بعد سے دن کے 11 بجے اور عشاءکے بعد رات 2 بجے تک ہو گا۔

ادارہ امور حرمین شریفین کے مطابق مرد زائرین نماز جمعہ کے بعد سے عشاءتک زیارت کر سکیں گے جب کہ خواتین جمعہ کو نماز فجر کے بعد سے صبح نو بجے تک زیارت کر سکیں گی۔

ہندوستھان سماچار

ہندوستان سماچار / Mohammad Khan