بنگلورو، 29 نومبر (ہ س)۔ وزیراعلی سدھارمیا اور نائب وزیر اعلیٰ ڈی کے شیوکمار نے آج متفقہ طور پر کرناٹک میں کانگریس حکومت میں قیادت کی تبدیلی سے متعلق سیاسی افواہوں اور اندرونی قیاس آرائیوں کو مسترد کردیا۔ ہفتہ کو وزیر اعلیٰ کی رہائش گاہ پر مشترکہ پریس کانفرنس میں وزیراعلی سدھارمیا اور نائب وزیراعلیٰ ڈی کے شیوکمار نے صحافیوں سے کھل کر بات کی۔ سدھارمیا نے کہا کہ باہر سے کوئی غیر ضروری الجھن پیدا کر رہا ہے۔ ہمارے درمیان کوئی اختلاف نہیں ہے۔ 2028 کے انتخابات اہم ہیں۔ جس طرح ہم نے 2023 میں ایک ساتھ کام کیا تھا، ہم مستقبل میں بھی ساتھ کام کرتے رہیں گے۔ انہوں نے کہا کہ مرکز میں سرمائی اجلاس کے پس منظر میں ہائی کمان نے ہم سے ریاست کے مسائل حل کرنے کو کہا ہے۔ ہم نے بھی ہائی کمان کی ہدایات پر عمل کرنے کا فیصلہ کیا ہے۔ کل سے کوئی تنازعہ نہیں ہوگا۔

ایک پریس کانفرنس کے دوران نائب وزیر اعلیٰ ڈی کے شیوکمار نے واضح کیا کہ ہمارے درمیان کوئی گروپ بندی نہیں ہے۔ اگر کوئی گروپ ہے تو وہ کانگریس کا گروپ ہے۔ وزیر اعلیٰ اور میں مکمل اتحاد سے کام کر رہے ہیں۔ ہمارا مقصد 2028 میں بھی کانگریس کی حکومت کو اقتدار میں لانا ہے۔ انہوں نے یہ بھی کہا کہ راہل گاندھی اور ملکارجن کھڑگے کو 2029 کے لوک سبھا انتخابات میں کرناٹک سے زیادہ طاقت دی جائے گی۔

ہندوستھان سماچار

---------------

ہندوستان سماچار / عبدالواحد