بھوپال، 2 اکتوبر (ہ س)۔ مدھیہ پردیش میں نومبر کی شروعات بارش اور سردی دونوں کے ساتھ ہونے والی ہے۔ محکمہ موسمیات کے مطابق، اگلے تین دنوں تک اندور، جبلپور، نرمدا پورم، بھوپال اور اجین حلقوں کے کئی اضلاع میں ہلکی بارش ہو سکتی ہے۔ آج اتوار کو اندور، نرمدا پورم اور جبلپور حلقوں کے 10 اضلاع میں بارش کا الرٹ جاری کیا گیا ہے، جبکہ بھوپال، گوالیار اور اجین میں بادل چھائے رہنے کا امکان ہے۔

محکمہ موسمیات نے بتایا کہ بحیرہ عرب اور خلیج بنگال میں دو کم دباو والے نظام فعال ہیں، لیکن ان کا اثر مدھیہ پردیش تک محدود رہے گا۔ انہوں نے کہا، ’’فی الحال ہلکی بارش کے امکانات ہیں، شدید بارش کا کوئی الرٹ نہیں ہے۔‘‘ پچھلے تین چار دنوں سے فعال یہ نظام اب کمزور ہونے لگا ہے۔ اگلے 24 گھنٹوں میں جھابوا، علی راج پور، دھار، بڑوانی، کھرگون، کھنڈوا، برہان پور، بیتول، چھندواڑہ اور پانڈھرنا میں بارش کے امکانات ہیں۔ بھوپال میں شام یا رات کے وقت بوندا باندی ہو سکتی ہے۔ 3 نومبر کی رات سے مغربی ہمالیائی علاقے میں ایک نیا ویسٹرن ڈسٹر بنس فعال ہونے کا امکان ہے، جس کا اثر دو دن بعد مدھیہ پردیش میں محسوس ہوگا۔ اس کے باعث شمال کی جانب سے سرد ہوائیں چلیں گی اور درجہ حرارت میں کمی دیکھنے کو مل سکتی ہے۔

ہندوستھان سماچار

---------------

ہندوستان سماچار / انظر حسن