مدھیہ پردیش میں سخت سردی برقرار، اندور، بھوپال سمیت کئی شہروں میں درجہ حرارت میں ریکارڈ گراوٹ
بھوپال، 14 نومبر (ہ س)۔ مدھیہ پردیش میں سردی نے اس بار نومبر میں ہی تمام ریکارڈ توڑ دیے ہیں۔ نومبر کے دوسرے ہفتے میں ہی سخت سردی نے کئی اضلاع میں ریکارڈ توڑ دیے ہیں۔ بھوپال اور اندور جیسے میدانی شہروں میں پہاڑی علاقوں سے بھی زیادہ سردی پڑ رہی ہے۔ محکمہ موسمیات کے مطابق، بھوپال میں ایسی سردی 10 سال بعد ریکارڈ کی گئی ہے، جبکہ اندور میں 25 سال پرانا ریکارڈ ٹوٹ گیا۔ انوپ پور اور بالا گھاٹ میں پچھلے دو دنوں سے کولڈ ڈے کی صورتحال برقرار ہے۔
جبلپور میں درجہ حرارت میں کمی دیکھنے کو ملی ہے۔ دوسری طرف، صوبے کا اکیلا ہل اسٹیشن پچمڑھی میں باقی شہروں کے مقابلے میں سردی کم ہے۔ ریاست کے 18 اضلاع میں شدید سردی کا الرٹ جاری کیا گیا ہے، جو اگلے تین سے چار دنوں تک جاری رہنے کا امکان ہے۔ بھوپال، راج گڑھ، اندور، سیہور، دیواس، شاجاپور اور شیوپوری میں خصوصی احتیاطی تدابیر اختیار کرنے کی ہدایات دی گئی ہیں۔
موسم سائنسداں پی کے شاہ نے بتایا کہ شمال سے آرہی برفیلی ہواوں کا اثر گوالیار، چمبل، اجین، اندور، ساگر اور بھوپال ڈویژن کے اضلاع میں زیادہ دکھائی دے رہا ہے۔ پچمڑھی جنوبی حصے میں واقع ہے۔ یہاں ہوا اتنی تیز رفتار سے نہیں آ رہی ہے۔ اسی وجہ سے یہاں کی راتیں بھوپال-اندور جتنی سرد نہیں ہیں۔ مدھیہ پردیش میں مسلسل چل رہی سرد ہواوں کی وجہ سے رات کا درجہ حرارت معمول سے کم پر برقرار ہے۔
بھوپال، اندور، راج گڑھ میں شدید سردی اور سیہور، شاجاپور، ریوا، شہڈول، جبل پور اور شیوپوری میں سردی کا اثر رہا۔ نو شہروں میں کم از کم درجہ حرارت 10 ڈگری سیلسیس سے کم رہا۔ جمعرات کو بھوپال، اندور، راج گڑھ میں شدید سردی اور سیہور، شاجاپور، ریوا، شہڈول، جبل پور اور شیوپوری میں سردی کا اثر رہا۔ رات کا سب سے کم 7.4 ڈگری سیلسیس درجہ حرارت راج گڑھ میں ریکارڈ کیا گیا۔
نو شہروں میں کم از کم درجہ حرارت 10 ڈگری سیلسیس سے کم رہا۔ دن کا سب سے زیادہ 31 ڈگری سیلسیس درجہ حرارت کھجوراہو میں ریکارڈ کیا گیا۔ ماہرین موسمیات کے مطابق ابھی تین دن تک موسم کا مزاج اسی طرح برقرار رہ سکتا ہے۔ اس کے بعد سردی سے کچھ راحت ملنے کے امکانات ہیں۔ جبل پور میں کم از کم درجہ حرارت 9.9 ڈگری، گوالیار میں 11.4 ڈگری اور اجین میں 10.7 ڈگری سیلسیس ریکارڈ کیا گیا۔ امریا اور چھترپور کے نو گاوں میں درجہ حرارت 8.4 ڈگری، ریوا میں 8.9 ڈگری اور شیوپوری میں 9 ڈگری سیلسیس تک پہنچ گیا ہے۔ بالا گھاٹ کے ملاجکھنڈ میں درجہ حرارت 9.8 ڈگری، منڈلا میں 10.1 ڈگری، بیتول اور چھندواڑہ میں 10.2 ڈگری اور دتیا میں 10.9 ڈگری سیلسیس ریکارڈ کیا گیا۔
صوبے کے زیادہ تر حصوں میں رات اور صبح کے وقت شدید سردی محسوس کی جا رہی ہے۔ درجہ حرارت میں مسلسل کمی کی وجہ سے عام لوگوں کو سردی کا سامنا کرنا پڑ رہا ہے اور محکمہ موسمیات آنے والے دنوں میں مزید کمی کے امکانات ظاہر کر رہا ہے۔ موسم سائنسداں اجے شکلا نے بتایا کہ آسمان بالکل صاف ہے اور آس پاس کے ریاستوں میں بھی سردی بڑھنے کی وجہ سے صوبے میں رات کا درجہ حرارت معمول سے کافی کم رہا ہے۔ دو دن بعد ہواوں کا رخ بدل کر مشرقی ہونے سے سردی سے کچھ راحت ملنے کے امکانات ہیں۔
ہندوستھان سماچار
---------------
ہندوستان سماچار / انظر حسن
