حیدرآباد ، 14 نومبر (ہ س)۔ تلنگانہ کے جوبلی ہلز اسمبلی ضمنی انتخاب میں کانگریس امیدوار نے کامیابی حاصل کی ہے۔ کانگریس کے امیدوار نوین یادو نے اپنے قریب ترین حریف بھارت راشٹرا سمیتی کی ماگنٹی سنیتا کو 24,729 ووٹوں سے شکست دی۔ اس ضمنی انتخاب میں بی جے پی نے اپنی جمع پونجی کھودی۔ نتائج کے بعد، بی آرایس امیدوار نے دھاندلی کاالزام لگایا اور اسے جمہوریت میں غیر جمہوری انتخابات قرار دیا۔ جمعہ کو جیسے ہی گنتی شروع ہوئی، کانگریس نے ہر دور میں برتری حاصل کر لی۔ الیکشن کمیشن کے مطابق کانگریس کے امیدوار نوین یادو نے بی آر ایس امیدوار ماگنٹی سنیتا کو 24,658 ووٹوں سے شکست دی۔ بی آرایس امیدوار سنیتا کو 74,259 ووٹ ملے جبکہ بی جے پی امیدوار دیپک ریڈی کو صرف 17,061 ووٹ ملے۔الیکشن ہارنے کے بعد بی آر ایس پارٹی کی امیدوار سنیتا نے الزام لگایا کہ جوبلی ہلز الیکشن غیر جمہوری طریقے سے کرایا گیا۔ سنیتا نے کانگریس پارٹی کے لیڈروں پر لوگوں کو ووٹ دینے کے لیے ڈرانے اور دباؤ ڈالنے کا الزام لگایا۔ انہوں نے ان پر جمہوریت کے قتل کا الزام لگایا۔ انہوں نے کہا کہ الیکشن کمیشن شفاف ضمنی انتخاب کرانے میں ناکام رہا۔ کانگریس جیت نہیں پائی، بلکہ اخلاقی طور پر الیکشن ہار گئی۔

ہندوستھان سماچار

ہندوستان سماچار / محمدعبدالخالق