واشنگٹن، 12 نومبر (ہ س) ۔

امریکی صدر ڈونالڈ ٹرمپ نے منگل کو ایچ-ون بی ویزا اسکیم پر اپنا موقف تبدیل کرتے ہوئے کہا کہ ملک کو بعض شعبوں میں غیر ملکی ہنر کو لانے کی ضرورت ہے۔

فاکس نیوز کو انٹرویو کے دوران ایچ -ون بی ویزا کے معاملے پر ٹرمپ کے حیران کن بیان کو اس معاملے پر یو ٹرن قرار دیا جا رہا ہے۔ انٹرویو میں، انہوں نے ہنر مند تارکین وطن کارکنوں کی اہمیت کا دفاع کرتے ہوئے دلیل دی کہ امریکہ طویل مدتی بے روزگار امریکیوں کو وسیع تربیت کے بغیر مینوفیکچرنگ اور دفاع میں پیچیدہ کرداروں کے لیے ملازمت نہیں دے سکتا۔

جب ان سے پوچھا گیا کہ کیا ایچ -ون بی ویزا پابندیوں کو ہٹانا انتظامیہ کی اہم ترجیح نہیں ہوگی، ٹرمپ نے کہا کہ امریکہ کو دنیا بھر سے ٹیلنٹ لانے کی ضرورت ہے۔ ٹرمپ نے کہا کہ ہمیں ملک میں ٹیلنٹ کو لانا ہے۔

جب ان سے پوچھا گیا کہ کیا امریکہ میں کافی ٹیلنٹ کی کمی ہے تو ٹرمپ نے جواب دیا، نہیں، آپ کے پاس نہیں ہے۔ آپ کے پاس کچھ شعبوں میں 'ٹیلنٹ' نہیں ہے، اور آپ کو لوگوں کو 'سکھانا' پڑتا ہے۔

مو¿قف میں یہ نرمی ایچ-ون بی ویزا پروگرام پر ٹرمپ انتظامیہ کے وسیع کریک ڈاو¿ن کے درمیان آئی ہے، جسے کمپنیاں، خاص طور پر ٹیکنالوجی کمپنیاں، امریکہ میں غیر ملکی کارکنوں کی خدمات حاصل کرنے کے لیے استعمال کرتی ہیں۔ ہندوستانی پیشہ ور، بشمول تکنیکی کارکن اور ڈاکٹر، ایچ -ون بی ویزا رکھنے والوں کا سب سے بڑا گروپ ہے۔

اس سال ستمبر میں، ڈونالڈ ٹرمپ نے ایچ -ون بی نان امیگرنٹ ویزا پروگرام میں اصلاحات کے لیے 'ابتدائی' قدم کے طور پر 'مخصوص غیر تارکین وطن کارکنوں کے داخلے پر پابندی' کے عنوان سے 'اعلان' جاری کیا۔ اعلان کے تحت، 21 ستمبر 2025 کے بعد داخل کی گئی کچھ ایچ -ون بی درخواستوں کے ساتھ اہلیت کے لیے شرط کے طور پر 100,000امریکی ڈالر کی اضافی ادائیگی لازمی تھی۔

ہندوستھان سماچار

ہندوستان سماچار / عطاءاللہ