نئی دہلی، 12 نومبر (ہ س): مرکزی خزانہ اور کارپوریٹ امور کی وزیر نرملا سیتا رمن نے بدھ کو دارالحکومت نئی دہلی میں مائیکرو، چھوٹے اور درمیانے درجے کے کاروباری اداروں (ایم ایس ایم ای) کے اسٹیک ہولڈرز کے ساتھ آئندہ مرکزی بجٹ 2026-27 کے حوالے سے تیسرے پری بجٹ مشاورت کی صدارت کی۔

نرملا سیتا رمن نے ایم ایس ایم ای سیکٹر کے اسٹیک ہولڈرز کے ساتھ تیسرے پری بجٹ مشاورت کی صدارت کی۔ یہ میٹنگ آئندہ مرکزی بجٹ 2026-27 کی تیاریوں کے حصے کے طور پر منعقد کی گئی تھی۔ میٹنگ کے دوران بات چیت میں ایم ایس ایم ای سیکٹر کو درپیش کلیدی چیلنجوں اور اس کی ترقی اور مسابقت کو فروغ دینے کے اقدامات پر توجہ مرکوز کی گئی۔ مرکزی وزیر مملکت برائے خزانہ پنکج چودھری، اقتصادی امور کے محکمے کے سکریٹری، وزارت خزانہ کے سینئر افسران اور ایم ایس ایم ای کی وزارت کے سینئر افسران بھی میٹنگ میں موجود تھے۔

اس سے پہلے پیر کو، وزیر خزانہ نرملا سیتارمن نے نئی دہلی میں ملک کے سرکردہ ماہرین اقتصادیات کے ساتھ آئندہ مرکزی بجٹ 2026-27 کے حوالے سے پہلے پری بجٹ مشاورتی میٹنگ کی صدارت کی۔ یہ ملاقاتیں بجٹ کی تیاری کے عمل کے ایک حصے کے طور پر وزارت خزانہ کی طرف سے ہر سال قبل از بجٹ مباحثوں کے سلسلے کا آغاز کرتی ہیں۔

---------------

ہندوستان سماچار / عبدالسلام صدیقی