ممبئی،

12 نومبر (ہ س)۔

معروف سماجی کارکن انجلی دمانیہ نے بدھ کے روز پونے کے متنازعہ زمین

گھوٹالہ کیس میں نائب وزیر اعلیٰ اجیت پوار سے فوری استعفیٰ دینے کا مطالبہ کیا۔

انہوں نے کہا کہ جب تک پوار اپنے عہدے پر فائز رہیں گے، اس معاملے کی غیر جانب

دارانہ اور منصفانہ جانچ ممکن نہیں۔ پریس

کانفرنس سے خطاب کرتے ہوئے دمانیہ نے کہا کہ’اجیت پوار کو ریاست کے نائب وزیراعلیٰ اور سرپرست وزیر کے عہدوں سے الگ ہو جانا چاہیے تاکہ تحقیقات سیاسی دباؤ سے

آزاد رہیں۔‘ انہوں نے اس بات پر زور دیا کہ پارتھ پوار، جو اس معاملے میں

شامل کمپنی کے 99 فیصد شیئر ہولڈر ہیں، کو اس لین دین کی مکمل معلومات تھیں۔

دمانیہ

نے استفسار کیا کہ جب پارتھ پوار کا اتنا بڑا حصہ ہے تو ان کے خلاف کوئی مجرمانہ

مقدمہ کیوں درج نہیں کیا گیا۔ انہوں نے کہا کہ تحقیقات میں شفافیت اور انصاف کے

تقاضوں کو پورا کرنے کے لیے ان کے خلاف بھی ایف آئی آر درج کی جانی چاہیے۔

سماجی

کارکن نے مزید کہا کہ عوامی اعتماد کے لیے ضروری ہے کہ اس گھوٹالے کی مکمل اور غیر

جانبدارانہ چھان بین ہو۔ انہوں نے کہا کہ پونے زمین سودے میں متعدد قانونی خامیاں

اور بے ضابطگیاں موجود ہیں جنہیں نظر انداز نہیں کیا جا سکتا۔

ہندوستھان

سماچار

ہندوستان سماچار / جاوید این اے