آتشی نے کیا سنسنی خیز انکشاف،بی جے پی میں شامل ہونے کی پیشکش نہیں مانیں گی تو آپ کو ایک ماہ کے اندر گرفتار کر لیا جائے گا
نئی دہلی، 2اپریل(ہ س)۔ عام آدمی پارٹی کے سینئر لیڈر اور دہلی کے کابینہ وزیر آتشی نے منگل کو ایک سنس
آتشی


نئی دہلی، 2اپریل(ہ س)۔

عام آدمی پارٹی کے سینئر لیڈر اور دہلی کے کابینہ وزیر آتشی نے منگل کو ایک سنسنی خیز انکشاف کیا۔ آتشی نے بتایا کہ انہیں بی جے پی میں شامل ہونے کا آفر ملا ہے۔ بی جے پی میں شامل ہونے کے لیے ان سے اپنے بہت ہی قریبی شخص کے ذریعے رابطہ کیا گیا ہے۔ اس نے کہا، مجھے بتایاگیا- یا تو بی جے پی میں شامل ہو جائیں، اپنا سیاسی کریئر بچائیں ورنہ ای ڈی ایک ماہ کے اندر آپ کو گرفتار کر لے گی۔ مجھے بتایا گیا ہے کہ چند دنوں میں میری رہائش گاہ پر ای ڈی کا چھاپہ پڑے گا، میرے رشتہ داروں کے گھر پر ای ڈی کا چھاپہ پڑے گا، اس کے بعد ہمیں سمن بھیجا جائے گا اور پھر ہمیں گرفتار کر لیا جائے گا۔انہوں نے کہا کہ بی جے پی لوک سبھا انتخابات سے قبل 'آپ' کے مزید 4 لیڈروں کو گرفتار کرنے کی تیاری کر رہی ہے۔ وہ مجھے، سوربھ بھردواج، درگیش پاٹھک اور راگھو چڈھا کو گرفتار کرنے کی تیاری کر رہے ہیں۔ بی جے پی کو امید تھی کہ اروند کیجریوال کی گرفتاری کے بعد 'آپ' ٹوٹ کر بکھر جائے گی کیونکہ پوری 'آپ'اعلیٰ قیادت جیل میں ہے۔ لیکن رام لیلا میدان کی ریلی اور پچھلے 10 دنوں سے سڑکوں پر AAP کی جدوجہد کے بعد، بی جے پی کو لگتا ہے کہ ان کے چوٹی کے 4 لیڈروں کو گرفتار کرنا کافی نہیں تھا، اس لیے وہ اگلے 4 کو گرفتار کرے گی۔آتشی نے کہا، ہم بی جے پی کی دھمکیوں سے نہیں ڈرتے، ہم اروند کیجریوال کے سپاہی ہیں۔ جب تک AAP کے ہر لیڈر اور کارکن کی آخری سانس باقی ہے، وہ اس ملک کے آئین کو بچانے کے لیے لڑتے رہیں گے۔ اے اے پی لیڈر آتشی نے کہا، میں ملک بھر کے لوگوں کو بتانا چاہتا ہوں کہ بی جے پی نے مجھ سے بی جے پی میں شامل ہونے کے لیے میرے بہت ہی قریبی شخص کے ذریعے رابطہ کیا۔ مجھے کہا گیا کہ یا تو بی جے پی میں شامل ہوجا¶، اپنا سیاسی کریئر بچا¶ اور اگر بی جے پی میں شامل نہ ہوئے تو آنے والے ایک مہینے میں۔

مجھے ای ڈی کے ذریعہ گرفتار کیا جائے گا۔انہوں نے کہا کہ وزیر اعظم نریندر مودی اور بھارتیہ جنتا پارٹی نے اپنا ذہن بنا لیا ہے کہ وہ عام آدمی پارٹی اور اس کے تمام لیڈروں کو کچل کر ختم کرنا چاہتے ہیں۔ پہلے انہوں نے عام آدمی پارٹی کی اعلیٰ قیادت کو گرفتار کر کے جیل میں ڈال دیا۔ ستیندر جین جی کو گرفتار کیا گیا، منیش سسودیا جی کو گرفتار کیا گیا۔گرفتاریاں ہوئیں، سنجے سنگھ جی گرفتار ہوئے اور اب دہلی کے وزیر اعلی اروند کیجریوال جی کو بھی گرفتار کر لیا گیا۔آتشی نے کہا کہ اب بی جے پی آنے والے 2 ماہ میں لوک سبھا انتخابات سے پہلے عام آدمی پارٹی کے مزید 4 لیڈروں کو گرفتار کرنے کا ارادہ رکھتی ہے۔ وہ مجھے گرفتار کریں گے، وہ سوربھ بھردواج کو گرفتار کریں گے، وہ درگیش پاٹھک کو گرفتار کریں گے اور وہ راگھو چڈھا کو گرفتار کریں گے۔ بی جے پی کو اس کی توقع تھی۔کہ اروند کیجریوال جی کی گرفتاری کے بعد عام آدمی پارٹی ٹوٹ کر بکھر جائے گی کیونکہ عام آدمی پارٹی کی پوری اعلیٰ قیادت جیل میں ہے۔انہوں نے کہا کہ لیکن اتوار کی رام لیلا میدان ریلی کے بعد جہاں دہلی اور پورے ملک سے لاکھوں لوگ آئے تھے، عام آدمی پارٹی کی گزشتہ 10 دنوں کی سڑکوں پر جدوجہد کے بعد اب بی جے پی کو لگتا ہے کہ اس کے چار لیڈروں کو گرفتار کرنا کافی نہیں ہے۔ اب آنے والے وقت میں اگلے 4 لیڈروں کو گرفتار کرکے جیل میں ڈالا جائے گا۔مجھے جیل میں ڈال دیا جائے گا، سوربھ بھردواج کو جیل میں ڈال دیا جائے گا، درگیش پاٹھک کو جیل میں اور راگھو چڈھا کو جیل میں ڈال دیا جائے گا۔ آتشی نے کہا، مجھے بتایا گیا تھا کہ آنے والے کچھ دنوں میں میری رہائش گاہ پر ای ڈی کا چھاپہ مارا جائے گا۔ نہ صرف میرے گھر پر ای ڈی کا چھاپہ پڑے گا بلکہ میرے رشتہ داروں اور میرے خاندان کے افراد کے گھروں پر بھی ای ڈی کا چھاپہ پڑے گا۔ اس کے بعد ہم سب کو سمن بھیجے جائیں گے اور کچھ عرصے بعد ہمیں گرفتار کر لیا جائے گا۔

انہوں نے کہا، میں بی جے پی کو بتانا چاہتی ہوں کہ ہم آپ کی دھمکیوں سے ڈرنے والے نہیں ہیں۔ ہم اروند کیجریوال جی کے سپاہی ہیں، بھگت سنگھ جی کے شاگرد ہیں۔ جب تک عام آدمی پارٹی کے ہر لیڈر، ہر ایم ایل اے، ہر کارکن میں آخری سانس باقی ہے، تب تک ہم اروند کیجریوال جی کی قیادت میں اس ملک کے آئین کو بچاتے رہیں گے۔ملک کے عوام کو بہتر زندگی فراہم کرنے کے لیے کام کرتے رہیں گے۔ آپ چاہیں تو عام آدمی پارٹی کے ایک ایم ایل اے یا کارکن کو جیل میں ڈال دیں۔ ان کی جگہ 10 اور لوگ اروند کیجریوال کی اس جنگ کو لڑنے کے لیے آگے آئیں گے اور آپ کو ہرائیں گے۔

ہندوستھان سماچار/عبد الواحد


 rajesh pande