کنسرٹ میں مداح پر ناراض ہوئے آدتیہ نارائن ، ویڈیو وائرل
بالی ووڈ اداکار اور گلوکار آدتیہ نارائن نے اپنے والد ادت نارائن کے بعد گلوکاری کے میدان میں اپنی جگہ
آدتیہ نارائن


بالی ووڈ اداکار اور گلوکار آدتیہ نارائن نے اپنے والد ادت نارائن کے بعد گلوکاری کے میدان میں اپنی جگہ بنائی ہے۔ وہ کئی فلموں میں بھی نظر آ چکے ہیں۔ ایک اداکار اور گلوکار کے طور پر کام کرتے ہوئے وہ میزبان کے کردار کو بھی بہت اچھے طریقے سے نبھاتے ہیں۔ اپنے گانوں کے لیے ہمیشہ خبروں میں رہنے والے آدتیہ فی الحال سوشل میڈیا پر وائرل ہو رہے اپنے ایک ویڈیو کی وجہ سے سرخیوں میں ہیں۔

اس ویڈیو میں آدتیہ ایک کنسرٹ کے دوران اپنے مداحوں کے ساتھ بدتمیزی کرتے نظرآرہے ہیں۔ آدتیہ نارائن نے کنسرٹ کے دوران ایک مداح پر حملہ کیا اور اس کا فون چھین کر پھینک دیا۔ آدتیہ کے اس ویڈیو پر سوشل میڈیا کے ذریعے نیٹیزین نے انہیں کلاس میں ڈال دیا ہے۔آدتیہ نارائن ایک کنسرٹ کے لیے کالج گئے تھے۔ اس وقت انہوں نے وہ کنسرٹ بھی کروایا تھا۔ اس موقع پر سامعین کی بڑی تعداد موجود تھی۔ ان کی ایک ویڈیو سوشل میڈیا پر وائرل ہو رہی ہے۔ اس ویڈیو میں آدتیہ شاہ رخ خان کی فلم ڈان کا ایک گانا گاتے نظر آرہے ہیں اورایک مداح ان کے فون پراس کی ویڈیو بنا رہا تھا۔ تب آدتیہ کی نظر اس پر پڑی۔ انہوں نے اسے مائیکروفون سے بازو پر مارا ، پھر فون چھین کر ہجوم میں پھینک دیا۔ تاہم یہ ابھی تک واضح نہیں ہے کہ آدتیہ کس بات سے ناراض تھے۔

آدتیہ کے ناراض ہونے کا یہ ویڈیو وائرل ہوا ، نیٹیزنز نے آدتیہ کو آڑے ہاتھوں لیا۔ اس کے علاوہ بہت سے لوگ آدتیہ کی اس ویڈیو کو ٹوئٹر پر شیئر کر رہے ہیں اور ان کی کلاس بھی لے رہے ہیں۔ ایک نے تبصرہ کیا ، پہلے اس کے ہاتھ پر مائیک مارا ، پھر اس کا موبائل چھین کر پھینک دیا۔ یہ وہی گلوکار آدتیہ نارائن ہیں ، جنہیں لوگ بے حد پسند کرتے ہیں۔ تم اپنے آپ کو کیا سمجھتے ہو؟ اس کے علاوہ بھی کئی سوال اٹھ رہے ہیں ، جیسے کہ آدتیہ نارائن کا مسئلہ کیا ہے ؟ اتنا غرور کیوں ؟ اپنے ہی مداحوں کی ایسی توہین۔ سوشل میڈیا پر بھی لوگ آدتیہ کو تنقید کا نشانہ بنا رہے ہیں۔

ہندوستھان سماچار


 rajesh pande