کٹرا میں مسافر بس حادثے کا شکار، سات افراد زخمی

جموں، 23 نومبر (ہ س)۔ جموں و کشمیر کے ضلع اُدھم پور کے کٹرا علاقے میں میاری پل کے قریب ایک سڑک حادثے میں کم از کم سات افراد زخمی ہو گئے۔ اطلاعات کے مطابق ایک بس زیر نمبر جے کے 02 بی بی-2577 کٹرا سے جموں کی طرف جاتے ہوئے میاری پل کے قریب ڈرائیور کے قابو سے باہر ہوکر حادثے کا شکار ہو گئی۔ حادثے کے نتیجے میں سات افراد زخمی ہوئے، جنہیں علاج کے لیے فوری طور پر کمیونٹی ہیلتھ سینٹر کٹرا منتقل کیا گیا، جہاں ان کا علاج جاری ہے۔

زخمیوں کی شناخت درشنہ دیوی زوجہ بنسی لال، کانتا دیوی زوجہ کرشن چند، سودیش کماری زوجہ گیان چند، منیشا دیوی دختر بلبیر سنگھ ، رادھیکا دختر بشن داس، جگّل ولد بنسی لال، رانی دیوی زوجہ پورن چند ساکن سیرلی کٹرا کے طور پر ہوئی ہے۔

پولیس نے واقعے کا نوٹس لیتے ہوئے مقدمہ درج کر لیا ہے اور حادثے کی وجوہات جاننے کے لیے تحقیقات شروع کر دی گئی ہیں۔ عوام سے اپیل کی گئی ہے کہ وہ سفر کے دوران احتیاط سے کام لیں تاکہ اس طرح کے واقعات سے بچا جا سکے۔

ہندوستھان سماچار

---------------

ہندوستان سماچار / محمد اصغر