جوہانسبرگ ، 18 ستمبر (ہ س)۔
جنوبی افریقہ کے بلے باز ایڈین مارکرم نے اتوار کو 5000 بین الاقوامی رنز مکمل کر لیے۔ 28 سالہ بلے باز نے یہ کارنامہ آسٹریلیا کے خلاف جوہانسبرگ میں کھیلے گئے پانچ میچوں کی سیریز کے پانچویں میچ میں انجام دیا۔مارکرم نے میچ میں شاندار کارکردگی کا مظاہرہ کیا۔ انہوں نے 87 گیندوں پر 93 رنز بنائے جس میں نو چوکے اور تین چھکے شامل تھے۔ ان کے رنز 106 سے زیادہ کے اسٹرائیک ریٹ سے آئے۔
2017 میں اپنے بین الاقوامی ڈیبیو کے بعد سے ، مارکرم نے پروٹیز کے لیے 35 ٹیسٹ کھیلے ہیں۔ انہوں نے طویل ترین فارمیٹ میں 36.26 کی اوسط سے 2,285 رنز بنائے ہیں۔ انہوں نے 64 اننگز میں 6 سنچریاں اور 10 نصف سنچریاں اسکور کیں جن میں ان کا بہترین اسکور 152 رنز رہا۔مارکرم نے 55 ون ڈے بھی کھیلے ہیں اور 35.42 کی اوسط اور 96 سے زیادہ کے اسٹرائیک ریٹ سے 1,665 رنز بنائے ہیں۔ دائیں ہاتھ کے بلے باز نے 175 رنز کے بہترین اسکور کے ساتھ 52 اننگز میں دو سنچریاں اور سات نصف سنچریاں اسکور کیں۔مارکرم نے 37 ٹی20 میں 39.37 کی اوسط اور 149.50 کے اسٹرائیک ریٹ سے 1,063 رنز بنائے ہیں۔ انہوں نے 33 اننگز میں 9 نصف سنچریاں اسکور کی ہیں جن میں ان کا بہترین اسکور 70 ہے۔مجموعی طور پر 127 بین الاقوامی میچوں میں بلے باز نے 36.59 کی اوسط اور 79 سے زیادہ اسٹرائیک ریٹ سے 5,013 رنز بنائے ہیں۔ 149 اننگز میں ، انہوں نے آٹھ سنچریاں اور 26 نصف سنچریاں اسکور کیں ، جن میں 175 رنز ان کا بہترین انفرادی سکور تھا۔
اس سال مارکرم نے تمام فارمیٹس میں زبردست مستقل مزاجی دکھائی ہے۔ انہوں نے 19 بین الاقوامی میچوں اور 21 اننگز میں 61.00 کی اوسط اور 101 سے زیادہ کے اسٹرائیک ریٹ سے 1,037 رنز بنائے ہیں۔ انہوں نے اس سال تین سنچریاں اور تین نصف سنچریاں اسکور کیں جن میں ان کا بہترین اسکور 175 رنز رہا۔اکتوبر سے ہندوستان میں ہونے والے آئی سی سی کرکٹ ورلڈ کپ سے پہلے ان کی ون ڈے فارم خاص طور پر حوصلہ افزا ہے۔ 11 ون ڈے میچوں میں، انہوں نے 64.11 کی اوسط اور 119.70 کے ایس آر سے 577 رنز بنائے ہیں۔ انہوں نے 11 اننگز میں دو سنچریاں اور دو نصف سنچریاں اسکور کیں جن میں 175 رنز ان کا بہترین اسکور رہا۔
میچ کی بات کریں تو جنوبی افریقہ کی جانب سے پہلے بیٹنگ کرتے ہوئے ایڈن مارکرم ( 87 گیندوں میں نو چوکوں اور تین چھکوں کی مدد سے 93 رنز ) ، ڈیوڈ ملر ( 65 گیندوں میں چار چوکوں اور تین چھکوں کی مدد سے 63 رنز ) مارکو جانسن ( 23 گیندوں پر چار چوکوں اور تین چھکوں کی مدد سے 47 رنز کی شاندار اننگز اور اینڈائل پھہلوکوایو ( 19 گیندوں پر ناٹ آو¿ٹ 38رنز ، دو چوکوں اور چار چھکوں) کی بدولت 50 اوورز میں 9 وکٹوں پر 315 رنز بنائے۔316 رنز کے ہدف کا تعاقب کرتے ہوئے کپتان مچل مارش ( 56 گیندوں میں چھ چوکوں اور چھ چھکوں کی مدد سے 71 رنز ) اور مارنس لیبوشگن ( 63 گیندوں میں تین چوکوں کی مدد سے 44 رنز) نے تیسری وکٹ کے لیے 90 رنزکی شراکت داری کی۔ لیکن یہ کافی نہیں تھا اور آسٹریلیا 34.1 اوورز میں 193 رنز پر ڈھیر ہو گیا۔
ہندوستھان سماچارمحمدخان
