کرناٹک ہائی کورٹ نے پرجاول ریونا کے انتخاب کو کالعدم قرار دیا تھا۔

نئی دہلی، 18 ستمبر (ہ س)۔

سپریم کورٹ نے کرناٹک کی ہاسن پارلیمانی سیٹ سے جے ڈی ایس لوک سبھا ممبر اور سابق وزیر اعظم ایچ ڈی دیو ے گوڑا کے پوتے پرجاول ریونا کے انتخاب کو کالعدم قرار دینے کے کرناٹک ہائی کورٹ کے حکم پر عبوری روک لگا دی ہے۔ چیف جسٹس ڈی وائی چندرچوڑ کی زیرقیادت بنچ نے واضح کیا کہ ہائی کورٹ کے حکم پر روک لگانے تک پرجاول رکن پارلیمنٹ کے طور پر کوئی الاو¿نس نہیں لیں گے اور انہیں لوک سبھا میں ووٹ دینے کی اجازت نہیں ہوگی۔

درحقیقت، 01 ستمبر کو کرناٹک ہائی کورٹ نے ہاسن سیٹ سے پرجاول کے 2019 کے انتخابات کو کالعدم قرار دیا تھا۔ ہائی کورٹ نے کہا تھا کہ پرجاول کئی بدعنوان طریقوں کا قصوروار ہے۔ پرجاول پر بہت سے حقائق کو ظاہر نہ کرنے کا الزام ہے۔ ان پر اپنے اثاثوں کے بارے میں غلط معلومات دینے، ٹیکس چوری، پراکسی ووٹنگ اور انتخابی مہم میں مقررہ حد سے زیادہ خرچ کرنے کا بھی الزام ہے۔ ہائی کورٹ نے کہا کہ پرجاول کے کاغذات نامزدگی کو انتخابی افسر نے غلط طریقے سے قبول کیا تھا۔

اپنے حکم میں، ہائی کورٹ نے پرجاول کے والد ایچ ڈی ریونا اور ان کے بھائی سورج ریونا کو وجہ بتاو¿ نوٹس جاری کیا کہ پرجاول ریونا کی کرپٹ انداز میں مدد کرنے کے لئے ان کے خلاف عوامی نمائندگی ایکٹ کی دفعہ99(او)(2) کے تحت کیوں نہیں کارروائی کی جائے۔ایچ ڈی ریونا الیکشن کے وقت ہاسن ضلع کے انچارج وزیر اور ریاستی پی ڈبلیو ڈی وزیر تھے۔

ہندوستھان سماچار