گیا، 18 ستمبر(ہ س)۔
بہار کے گیا میں پولیس کے لاء اینڈ آرڈر ڈی ایس پی خورشید عالم نے کارروائی کرتے ہوئے دو بڑے معاملے کا انکشاف کیا ہے ۔ ڈی ایس پی کی قیادت میں بنی پولیس کی خصوصی ٹیم کی کارروائی کے دوران مختلف معاملوں میں دو جرائم پیشہ افراد کی گرفتاری ہوئی ہے، ان میں ایک ایسے گروہ کا انکشاف ہوا ہے جو جرائم پیشہ افراد کو ہی نشانہ بناتا تھا اور اس دوران دوسرے جرائم پیشہ گروہ کے متحرک افراد کو نشانہ بناکر اُن سے ممنوعہ اسلحہ منشیات اور نقد روپے لوٹ لیا کرتے تھے۔جب اگر دوسرے گروہ کے افراد مزاحمت کرتے تو یہ گروہ کے افراد دوسرے جرائم پیشہ افراد کو قتل کردیتے تھے۔ سیٹی ایس پی ہمانشو نے بتایا کہ گزشتہ روز بارہ چٹی تھانہ علاقہ میں ایک شخص ویرو یادو کا قتل ہوا تھا پولیس نے جب اسکی تحقیقات کی تو پتہ چلا کہ جس شخص کا قتل ہوا ہے۔ وہ بھی ایک جرائم پیشہ تھا اور وہ بارہ چٹی تھانہ علاقہ میں افیون ، شراب اور دیگر منشیات کی چوری کی گاڑیوں کے ذریعے سپلائی کرتا ہے۔
انہوں نے کہاکہ پولیس نے جب مزید تحقیق کی تو انکشاف ہوا کہ قتل کرنے والے بدمعاش وہ ہیں جو منشیات کی غیرقانونی سپلائی کرنے والے کو لوٹ کا نشانہ بناتے ہیں ، افیون شراب کی تسكری کرنے والوں کو یہ گروہ پکڑتا تھا اور اس سے منشیات نقد روپے اور گاڑیوں کو لوٹتے تھے ۔ چونکہ انکی گاڑیاں بھی چوری کی ہوتی تھیں اور انکے پاس منشیات ہوتی تھیں۔ اس لئے وہ پولیس سے اپنے ساتھ پیش آئی واردات کے تعلق سے جانکاری نہیں دیتے تھے ،اسی کا فائدہ یہ گروہ اٹھاتا تھا ۔ پولیس نے ویرو یادو خے قتل معاملے میں وکرانت یادو کو گرفتار کیا ہے ۔اسکے مزید ساتھی راہ فرار ہیں جنکی پولیس کو تلاش ہے۔
دوسرے معاملے میں ایک ایسے شخص کو گرفتار کیا گیا ہے جو گھروں میں راج مستری کا کام کرتا تھا تاہم اس دوران وہ پورے گھر کا معائنہ کر لیتا تھا اور اپنے ساتھیوں کے ساتھ ملکر وہ ڈاکہ زنی کے واقعہ کو انجام دیتا تھا ، گزشتہ دنوں ایک ایسا ہی معاملہ راج مستری نے اپنے ساتھیوں کے ساتھ مل کر انجام دیا تھا اور لاکھوں کے زیورات کے ساتھ نقد روپئےلوٹ لیے تھے ۔پولیس نے جب اس پورے معاملے پر کاروائی اور جانچ شروع کیا تو اس میں ماسٹر مائنڈ راج مستری ہی نکلا ۔پولیس نے اسے گرفتار کرلیا ہے اور اس کے پاس سے کچھ رقم اور زیورات بھی برآمد کیا ہے جو اسکے حصے میں ملا تھا۔
ہندوستھان سماچار/ افضل/محمد
