واشنگٹن/اسلام آباد ، 18 ستمبر (ہ س)۔

شدید معاشی بحران کا شکار پاکستان نے انٹرنیشنل مانیٹری فنڈ (آئی ایم ایف) سے ریلیف حاصل کرنے کے لیے امریکہ کے ساتھ خفیہ معاہدہ کیا تھا۔ ایک امریکی رپورٹ میں دعویٰ کیا گیا ہے کہ اس معاہدے پر عمل درآمد کرتے ہوئے پاکستان نے یوکرین کو جنگ کے لیے ہتھیار فراہم کیے تھے۔

پاکستان کو شدید معاشی بحران کے دوران بین الاقوامی مالیاتی فنڈ سے مدد حاصل کرنے کے لیے بہت کوششیں کرنا پڑیں۔ اب ایک امریکی رپورٹ میں بتایا گیا ہے کہ خفیہ ہتھیاروں کی خریداری کے بدلے امریکا نے رواں سال کے شروع میں پاکستان کے لیے تین ارب ڈالر کے امدادی پیکج کے حوالے سے بین الاقوامی مالیاتی فنڈ سے معاہدہ کیا تھا۔

رپورٹ میں دعویٰ کیا گیا ہے کہ یہ ڈیل یوکرین کی فوج کو ہتھیاروں کی فراہمی کے مقصد سے متعلق تھی۔رپورٹ میں دعویٰ کیا گیا ہے کہ پاکستان نے امریکا کے دباو¿ کے سامنے جھک کر یوکرین کی فوج کو ہتھیار فراہم کیے تھے۔ بین الاقوامی مالیاتی فنڈ سے ملنے والے امدادی پیکج میں بھی کئی سخت شرائط رکھی گئی ہیں۔

درحقیقت معاشی بحران اور بین الاقوامی مالیاتی فنڈ کے سخت حالات کی وجہ سے پاکستان میں کئی ہڑتالیں ہوئیں۔ اسی وجہ سے احتجاج کے باعث پاکستان میں ڈیڑھ سال سے سیاسی بحران جاری ہے۔ دعویٰ کیا گیا کہ سابق وزیراعظم عمران خان کے دور میں اور ان کے جانے کے بعد یوکرین کے حوالے سے پاکستان کے رویے میں تبدیلی آئی ہے۔ عمران کے اقتدار میں آنے کے بعد سے یوکرین جنگ میں پاکستان ، امریکہ اور اس کے اتحادیوں کا حامی بن گیا ہے۔

ہندوستھان سماچارمحمدخان