امپھال، یکم جون (ہ س)۔

آئی پی ایس راجیو سنگھ امپھال پہنچے اور مرکزی وزیر داخلہ امت شاہ کے دورہ منی پور کے دوران ریاست کے پولیس ڈائریکٹر جنرل (ڈی جی پی) کا عہدہ سنبھال لیا۔ مرکزی وزارت داخلہ کی ہدایت پر منی پور کی گورنر انوسویا وکی نے 1993 بیچ کے تریپورہ کیڈر کے آئی پی ایس راجیو سنگھ کو منی پور کا ڈی جی پی مقرر کیا ہے۔

منی پور حکومت کے ایک نوٹیفکیشن کے مطابق، آئی پی ایس راجیو سنگھ کو انٹر کیڈر ڈیپوٹیشن کے نتیجے میں تریپورہ سے منی پور لایا گیا ہے۔ اس کے علاوہ حکومت ہند کی طرف سے جاری کردہ ہدایات کے مطابق منی پور کے ہوم ڈیپارٹمنٹ میں او ایس ڈی کا ایک نیا عہدہ تخلیق کیا گیا ہے۔ حکومت نے آئی پی ایس پی ڈونگلے کو ڈی جی پی کا او ایس ڈی مقرر کیا ہے۔

قابل ذکر ہے کہ مرکزی وزیر داخلہ شاہ 29 مئی کی رات چار روزہ دورے پر منی پور آئے تھے۔ اس دن آدھی رات کو، مرکزی وزارت داخلہ نے 1993 بیچ کے آئی پی ایس افسر راجیو سنگھ کو تین سال کے لیے عوامی مفاد میں خصوصی فرائض پر منی پور منتقل کر دیا۔ راجیو سنگھ کو سی آر پی ایف کے آئی جی کے عہدے پر تعینات تھے۔

ہندوستھان سماچار