کٹھمنڈو، 25 مئی (ہ س)۔ نیپال کے وزیر اعظم پشپ کمل دہل پرچنڈ اگلے ہفتے ہندوستان کا دورہ کرنے والے ہیں۔ اگرچہ دورے کی تاریخ کا اعلان نہیں کیا گیا تاہم اندرونی تیاریاں تیز کر دی گئی ہیں۔

آج جمعرات کو ہندوستان میں نیپال کے سفیر ڈاکٹر شنکر شرما نے دہلی میں ہندوستان کے وزیر خارجہ ڈاکٹر ایس جے شنکر سے ملاقات کی۔ یہ ملاقات وزیر اعظم پرچنڈ کے دورہ ہندوستان کی تیاریوں کے حوالے سے تھی۔

ملاقات کے بارے میں معلومات دیتے ہوئے جے شنکر نے خوشی ظاہر کی ۔ انہوں نے آنے والے دنوں میں تعلقات کو مزید مضبوط بنانے پر تبادلہ خیال کیا۔سفیر شرما نے جے شنکر سے ملاقات کے لیے اظہار تشکر کیا۔ انہوں نے کہا کہ دونوں ممالک کے درمیان تعلقات کو مضبوط بنانے پر بات چیت کی۔

سفیر شرما کی ہندوستان کے وزیر خارجہ جے شنکر سے ملاقات کے بعد خیال کیا جا رہا ہے کہ پرچنڈ کے دورے کی تیاریاں تیز ہو گئی ہیں۔نیپال کی وزارت خارجہ نے دورے کے دوران زیر بحث آنے والے ایجنڈے کے حوالے سے تیاریاں تقریباً مکمل کر لی ہیں۔وزیر خارجہ این پی سعود خارجہ امور کے ماہرین سے مشاورت کر رہے ہیں۔

ہندوستھان سماچار