کاٹھمنڈو، 25 مئی (ہ س)۔

نیپال میں سڑک حادثے میں 5 افراد ہلاک ہو گئے۔ حادثہ جمعرات کو ضلع رکم مغربی کے سانیویری دیہی میونسپلٹی علاقے میں پیش آیا۔

رکم ویسٹ ڈسٹرکٹ ایڈمنسٹریشن آفس کے مطابق حادثے میں جیپ سڑک سے 400 میٹر نیچے جا گری جس کے باعث مسافروں کو بڑی مشکل سے بچایا گیا۔

رکم ویسٹ پولیس کا کہنا ہے کہ واقعے میں 22 سالہ خاتون اور اس کا 22 دن کا بیٹا بھی جاں بحق ہوا۔

جیپ میں 15 افراد سوار تھے جن میں سے 5 افراد جاں بحق جبکہ 10 زخمی ہوگئے۔ زخمیوں میں سے چار کو علاج کے لیے نیپال گنج لے جایا گیا ہے۔