نئی دہلی، 22 مارچ (ہ س)۔ مرکزی وزیر اطلاعات و نشریات انوراگ ٹھاکر نے آج (بدھ) صبح سنسکار بھارتی کے ہندوستانی نئے سال کی تقریب میں مہمان خصوصی کے طور پر شرکت کی۔ انہوں نے کہا کہ بھارت نئے سال کے موقع پر ہمیں سماج میں ہندوستانی نظریہ کو فروغ دینے کے عزم کو مضبوط کرنا چاہئے۔ ہندوستان آزادی کے امرت کال میں دنیا کی رہنمائی کرے، پھر سے وشو گروبنے، ہم سب کی یہی خواہش ہے ۔

سنسکار بھارتی نے اس تہوار کا اہتمام بھارت کے نئے سال وکرم سموت 2080 کے موقع پر کیا تھا۔ صبح منعقد ہونے والے اس پروگرام میں مرکزی وزیر ٹھاکر نے یمنا ندی کی پوجا کی اور سورج کو ارگھیہ پیش کیا۔

ہندوستھان سماچار