چنئی ممبئی ، 04 فروری (ہ س)۔
تجربہ کار پلے بیک گلوکار ہ وانی جےرام کا ہفتہ کو انتقال ہوگیا۔ وہ اپنی چنئی کی رہائش گاہ پر مردہ پائی گئیں۔ وہ 77 برس کی تھیں۔ چنئی کے تھاو¿زنڈ لائٹس پولیس اسٹیشن کے حکام نے اس کی تصدیق کی ہے۔ فی الحال ان کی موت کی کوئی وجہ سامنے نہیں آئی ہے۔ وانی جیرام کو اس سال یوم جمہوریہ کے موقع پر حکومت ہند نے ملک کا تیسرا سب سے بڑا شہری اعزاز پدم بھوشن سے نوازا تھا۔
10,000 سے زیادہ گانوں کو آواز دی
پانچ دہائیوں پر محیط اپنے کیریئر میں، جنوبی ہندوستان کی لیجنڈ گلوکارہ نے تامل ، ہندی ، تیلگو ، ملیالم ، آسامی اور بنگالی سمیت متعدد زبانوں میں 10,000 سے زیادہ گانوں کو اپنی آواز دی۔ 30 نومبر 1945 کوپیدا ہونے والی وانی جیرام کا بچن میں نام کالیوانی تھا۔وانی جےرام کو 1971 کی ہندی فلم گڈی میں بڑا وقفہ ملا ، جہاں انہوں نے موسیقار وسنت دیسائی کے لیے گایا۔ اس فلم میں ان کا گایا ہوا گانا’ ہم کو من کی طاقت دینا ‘ آج بھی لوگوں کے لبوں پر ہے۔ انہوں نے دیگر مشہور موسیقاروں کے ساتھ کام کیا جن میں ایم ایس الیاراجا ، آر ڈی برمن ، کے وی مہادیون ، او پی نیر اور مدن موہن شامل ہیں۔
فلم اور میوزک انڈسٹری میں سوگ کی لہر
وانی جے رام کی موت کی خبر سے فلم اور میوزک انڈسٹری میں سوگ کی لہر ہے۔ مداح اور مشہور شخصیات نم آنکھوں کے ساتھ انہیں خراج تحسین پیش کر رہے ہیں۔ رادھیکا سرتھ کمار نے ٹویٹر پر لکھا کہ وہ وانی جےرام کے اچانک انتقال سے صدمے میں ہیں۔ اداکارہ نے لکھا © یہ بہت چونکا دینے والا ہے۔ کل رات میں ان کا گانا چلا رہی تھی اور اپنے شوہر کو بتا رہی تھی کہ وہ #KVishwanathSir کی فلم میں گانے کو کتنی خوبصورتی سے پیش کر رہی ہیں۔ میں بہت حیران ہوں۔
خوشبو سندر نے وانی جےرام کے انتقال پر ٹویٹر پر ایک نوٹ بھی لکھا ،
