ممبئی، 04 فروری (ہ س)۔ پدم بھوشن سے نوازے جانے والی تجربہ کار پلے بیک سنگر وانی جیرام اس دنیا میں نہیں رہیں ۔ تین بار نیشنل فلم ایوارڈ جیتنے والی وانی جےرام کا اصل نام کلیوانی تھا۔ صرف 8 سال کی عمر میں آل انڈیا ریڈیو کے لیے گانے والی وانی کبھی اسٹیٹ بینک آف انڈیا میں کام کرتی تھیں۔ شادی کے بعد شوہر نے ان کی گلوکاری کی صلاحیتوں کو مزید بڑھانے پر اصرار کیا۔ اس کے بعد انہوں نے کلاسیکی موسیقی سیکھی اور بینک کی نوکری چھوڑ کر گلوکاری کو اپنا اصل پیشہ بنا لیا۔

وانی جیرام کا نام اس سال پدم ایوارڈ کے لیے منتخب کیا گیا تھا۔ 1000 سے زیادہ ہندوستانی فلموں اور 20000 ریکارڈ شدہ گانوں کے ساتھ ان کیریر5 دہائیوں پر محیط تھا۔ وانی 1970 اور 1990 دہائی کے درمیان بہت سے موسیقاروں کی پسند رہیں۔ انہوں نے کئی ہندوستانی زبانوں میں گائے ہیں جن میں کنڑ، تمل، تیلگو، ہندی، ملیالم، مراٹھی، اوڑیہ، آسامی، بنگالی، گجراتی اور ہریانوی شامل ہیں۔

کلاسیکی موسیقاروں کے خاندان میں جنم

30 نومبر 1945 کو ویلور، تمل ناڈو میں پیدا ہو ئیں وانی کا تعلق کلاسیکی موسیقاروں کے خاندان سے ہے۔ ان کے والدین دورئی سامی ائینگر اور پدماوتی بھی موسیقی کی دنیا سے وابستہ تھے۔ ان کی والدہ نے انہیں رامونجا ائینگر سے کلاسیکی موسیقی کی تربیت حاصل کی۔ بعد میں انہوں نے کرناٹک موسیقی کی باقاعدہ تربیت بھی حاصل کی۔ بچپن سے ہی وانی کو موسیقی سے ایسا لگاو¿ تھا کہ وہ ریڈیو سے چپک جاتی تھیں۔

اسٹیٹ بینک میں ملازمت کرتی تھیں وانی

وانی نے کوئین میری کالج، مدراس یونیورسٹی سے اپنی ڈگری مکمل کی اور حیدرآباد میں اسٹیٹ بینک آف انڈیا میں ملازمت اختیار کی۔ شادی کے بعد وانی اپنا خاندان شروع کرنے کے لیے ممبئی چلی گئیں۔ ان کے شوق اور ان کی موسیقی کی مہارت کے بارے میں جاننے کے بعد، ان کے شوہر جیرام نے انہیں پٹیالہ گھرانے کے استاد عبدالرحمن خان کی سرپرستی میں ہندوستانی کلاسیکی موسیقی کی تربیت حاصل کرنے کے لیے راضی کیا۔ اس کے بعد وانی نے وہیں سے تعلیم حاصل کی۔ اس کے بعد وہ بینک کی نوکری چھوڑ کر پروفیشنل گلوکارہ بننے کی راہ پر چل پڑیں۔

پہلی بار مراٹھی فلم میں گایاتھاگانا

ان کا پہلا کنسرٹ 1969 میں ہوا اور اسی سال ان کا تعارف موسیقار وسنت دیسائی سے ہوا۔ ان کی آواز سن کر وسنت دیسائی نے وانی کو ایک مراٹھی البم کے لیے گانا رنانوبندھاچا گانے کا موقع دیا۔ یہ گانا ریلیز ہوتے ہی اپنے مراٹھی سامعین میں مقبول ہوگیا۔ وانی اس گانے سے اس قدر مشہور ہوئیں کہ بالی ووڈ کے مشہور ہدایت کار رشی کیش مکھرجی نے انہیں اپنی فلم ”گڈی“ (1971) میں تین گانے دئیے۔ وانی جےرام نے اس فلم کے لیے بولے رے پپیہارا، ہری بن کیسے جیوں اور ہم کو من کی شکتی دینا گائے۔ یہ تینوں گانے سپر ہٹ ہوئے اور وانی کا نام ہندی سنیما کی دنیا میں چل پڑا۔

کئی ایوارڈزسے نوازا گیا

78 سالہ وانی جےرام نے کنڑ، تمل، ہندی، تیلگو، ملیالم، مراٹھی سمیت 19 ہندوستانی زبانوں میں 10 ہزار سے زائد گانے گائے۔ وانی جےرام نے تمل میں بہترین خاتون پلے بیک سنگر کے لیے تین اور تیلگو کے لیے دو قومی فلم ایوارڈز جیتے۔ انہوں نے فلم میرا کے گانے میرے تو گردھر گوپال کے لیے بہترین خاتون پلے بیک سنگر کا 1980 کا فلم فیئر ایوارڈ جیتا تھا۔ 2013 میں، انہیں لائف ٹائم اچیومنٹ کے لیے 60 واں فلم فیئر ساو¿تھ انڈین ایوارڈ ملا۔ وانی جےرام نے بہترین پلے بیک سنگر کے لیے چار ریاستی ایوارڈز بھی جیتے، جن میں نندی ایوارڈ، گجرات اسٹیٹ فلم ایوارڈ، تمل ناڈو اسٹیٹ فلم ایوارڈ اور اڈیشہ اسٹیٹ فلم ایوارڈ شامل ہیں۔

ہندوستھان سماچار